ନୂଆଦିଲ୍ଲୀ(ବଡ଼ ଖବର ବ୍ୟୁରୋ) : ନୂଆବର୍ଷରେ ପ୍ରଧାନମନ୍ତ୍ରୀ ମୋଦୀ ଦେଇଛନ୍ତି ନୂଆ ଉପହାର । ନୂଆ ବର୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟକ୍ରମ । ୬ ଟି ରାଜ୍ୟର ଲାଇଟ୍ ହାଉସ୍ ପ୍ରକଳ୍ପର ଶିଳାନ୍ୟାସ କରିଛନ୍ତି । ଭିଡିଓ କନଫରେନ୍ସିଂ ଜରିଆରେ ଏହି ବିଷୟରେ ଜଣାଇଛନ୍ତି । ଗ୍ଲୋବାଲ ହାଉସିଂ ଟେକ୍ନୋଲୋଜି ଚ୍ୟାଲେଞ୍ଜ ଇଣ୍ଡିଆ ଆଧାରରେ ୬ ଟି ରାଜ୍ୟପାଇଁ ଏହି ପ୍ରକଳ୍ପର ଶିଳାନ୍ୟାସ କରାଯାଇଛି । ଭିଡିଓ କନଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ଗ୍ଲୋବାଲ୍ ହାଉସିଂ ଟେକ୍ନୋଲୋଜି ଚ୍ୟାଲେଞ୍ଜ୍ କାର୍ଯ୍ୟକ୍ରମ ଜରିଆରେ ଶିଳାନ୍ୟାସ ରଖିଛନ୍ତି । ସହର ବିକାଶ ଚିତ୍ର ବଦଳିବା ଦିଗରେ ଏହା ମୁଖ୍ୟ ଭୂମିକା ନିଭାଇବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଲାଇଟ୍ ହାଉସ୍ ପ୍ରୋଜେକ୍ଟ ପାଇଁ ପ୍ରଥମ ଦଫାରେ ତ୍ରିପୁରା, ଝାଡଖଣ୍ଡ, ଉତ୍ତର ପ୍ରଦେଶ, ମଧ୍ୟ ପ୍ରଦେଶ, ଗୁଜରାଟ ଓ ତାମିଲନାଡୁକୁ ସାମିଲ କରାଯାଇଛି ।
ଅନ୍ୟପଟେ ପ୍ରଧାନମନ୍ତ୍ରୀ ପି-ମେ ଓ ଆଶା-ଇଣ୍ଡିଆ ଆୱାର୍ଡ ମଧ୍ୟ ବିରତରଣ କରିଛନ୍ତି । ଯଥାକ୍ରମେ ଉତ୍ତର ପ୍ରଦେଶ, ମଧ୍ୟ ପ୍ରଦେଶ ଓ ଆନ୍ଧ୍ର ପ୍ରଦେଶ ଶ୍ରେଷ୍ଠ କାର୍ଯ୍ୟ ନିର୍ବାହୀ ରାଜ୍ୟ ଭାବେ ବିବେଚିତ ହୋଇଛନ୍ତି । ସହରୀ ଆବାସ କାର୍ଯ୍ୟକ୍ରମକୁ ଲାଗୁ କରିଥିବା ଶ୍ରେଷ୍ଠ ରାଜ୍ୟଙ୍କୁ ମଧ୍ୟ ପୁରସ୍କୃତ କରିଛନ୍ତି । ସେହିଭଳି ଭୂମିକମ୍ପରୁ ଘରକୁ ରକ୍ଷା କରିପାଇଁ ଜଳବାୟୁକୁ ଆଧାର କରି ଲୋକମାନଙ୍କୁ ସୁରକ୍ଷିତ ଘର ପ୍ରଦାନ କରାଯିବ । ଘରଗୁଡ଼ିକ ଭୂକମ୍ପ ପ୍ରତିରୋଧୀ ହେବ ।
