ରାଜଧାନୀରେ ସିରିଜ ଦୁର୍ଘଟଣା, ଏକାଧିକ ଆହତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ମଦ୍ୟପାନ କରି ଡ୍ରାଇଭର ଘଟାଇଲା ସିରିଜ ଦୁର୍ଘଟଣା । ଲିଙ୍ଗରାଜ ଥାନା ଅଞ୍ଚଳରେ ଘଟିଛି ଏଭଳି ଅଘଟଣ । ତେବେ ଏହି ଦୁର୍ଘଟଣାରେ ଏକାଧିକ ଲୋକ ଆହତ ହୋଇଛନ୍ତି । ଦୁର୍ଘଟଣା ଘଟେଇବା ପରେ ସ୍ଥାନୀୟ ଲୋକେ ଉକ୍ତ କାରଟିକୁ ଜାଳିଦେଇଛନ୍ତି । ଡ୍ରାଇଭର ଜଣକ ମଦ୍ୟପାନ କରି ଦୁର୍ଘଟଣା ଘଟାଇ ଖସିଯିବାକୁ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ଡ୍ରାଇଭର ଓ ବସିଥିବା ବ୍ୟକ୍ତିଙ୍କୁ ଧରି ନିର୍ଧୁମ ଛେଚିଛନ୍ତି । ଲିଙ୍ଗରାଜ ଥାନା ପୋଲିସ ପହଂଚି କାର ଚାଳକ ଓ ଅନ୍ୟ ବ୍ୟକ୍ତିଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି । ଡ୍ରାଇଭର ଓ ବ୍ୟକ୍ତି ଜଣକ କେନ୍ଦ୍ରାପଡା ଓ ଯାଜପୁର ଜିଲ୍ଲାର ହୋଇଥିବା ସୂଚନା ରହିଛି । କାର ଜାଳିବା ପରେ ଘଟଣା ସ୍ଥଳରେ ପହଁଚିଥିଲା ଅଗ୍ନିଶମ ଟିମ ।