ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀଙ୍କ ଚିଠି
ଭୁବନେଶ୍ୱର(ବଡ଼ ଖବର ବ୍ୟୁରୋ): ପୁରୀରେ ଅନ୍ତର୍ଜାତୀୟ ବିମାନବନ୍ଦର ପାଇଁ ପ୍ରସ୍ତାବ । ପ୍ରଧାନମନ୍ତ୍ରୀଙ୍କୁ ଚିଠି ଲେଖି ପ୍ରସ୍ତାବ ଦେଲେ ମୁଖ୍ୟମନ୍ତ୍ରୀ । ଶ୍ରୀଜଗନ୍ନାଥଙ୍କ ନାଁରେ ଏହି ଅନ୍ତର୍ଜାତୀୟ ବିମାନବନ୍ଦରର ନାଁ ଦେବାକୁ ମଧ୍ୟ ପ୍ରସ୍ତାବ ଦିଆଯାଇଛି । ପୁରୀ ଚାରି ଧାମ ମଧ୍ୟରୁ ଅନ୍ୟତମ । ଧାର୍ମିକ, ପର୍ଯ୍ୟଟନ, ଅର୍ଥନୀତିର ହବ୍ ହେବାର ସବୁ ସମ୍ଭାବନା ଏଠାରେ ରହିଛି । ଏହା ସବୁବେଳେ ସାରା ବିଶ୍ୱର ଲୋକଙ୍କୁ ଆକର୍ଷିତ କରିଆସିଛି । ଏହାର ଭୌଗଳିକ ସ୍ଥିତି ଓ ଏହାର ଗୁରୁତ୍ୱକୁ ଦେଖି ଏଠାରେ ଏକ ବିମାନବନ୍ଦରର ଆବଶ୍ୟକତା ଥିବା ନବୀନ ଲେଖିଛନ୍ତି । ଏଥିପାଇଁ ରାଜ୍ୟ ସରକାର ଜମି ଚିହ୍ନଟ କରିସାରିଛନ୍ତି ଓ ସମସ୍ତ ସହଯୋଗ ଯୋଗାଇଦେବାକୁ ପ୍ରସ୍ତୁତ ବୋଲି ସେ ଲେଖିଛନ୍ତି ।