ଟ୍ରାକ୍ଟର ଧକ୍କାରେ ନବ ଦମ୍ପତି ମୃତ
ଗଞ୍ଜାମ(ବଡ଼ ଖବର ବ୍ୟୁରୋ): ଦାଉ ସାଜିଲା ଦଇବ । ସଡ଼କ ଦୁର୍ଘଟଣାରେ ନବ ଦମ୍ପତିଙ୍କ ମୃତ୍ୟୁ । ବିବାହ ପରେ ପ୍ରଥମଥର ପାଇଁ କନ୍ୟା ବାପା ଘରକୁ ଆସୁଥିବା ବେଳେ ସଡ଼କ ଦୁର୍ଘଟଣାରେ ଉଭୟ ଦମ୍ପତି ଆଖି ବୁଝିଛନ୍ତି । ଏଭଳି ହୃଦୟ ବିଦାରକ ଘଟଣା ଘଟିଛି ବ୍ରହ୍ମପୁର ଜିଲ୍ଲାରେ। ଗତ ରାତିରେ ଆନ୍ଧ୍ରପ୍ରଦେଶର ଇଚ୍ଛାପୁରରୁ ବ୍ରହ୍ମପୁର ଆସୁଥିବା ବେଳେ ଗୋଲାନ୍ଥରା ଥାନା ସମ୍ମୁଖରେ ଟ୍ରାକ୍ଟର ଧକ୍କାରେ ମୃତ୍ୟୁ ବରଣ କରିଛନ୍ତି ବ୍ରହ୍ମପୁରର ଝିଅ ସିଏଚ.ପ୍ରହେଳିକା ଓ ଇଚ୍ଛାପୁରର ଭେଣୁ। ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଉଭୟଙ୍କୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ଉଭୟଙ୍କର ମୃତ୍ୟୁ ହୋଇଥିବା ଡାକ୍ତର ସୂଚନା ହେଇଛନ୍ତି ।