ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆସନ୍ତା ସପ୍ତାହରୁ ଆରମ୍ଭ ହେବାକୁ ଯାଉଛି ଶିଶୁଙ୍କ ‘କୋଭାକ୍ସିନ’ ଟିକାର ଦ୍ୱିତୀୟ ଡୋଜ ପରୀକ୍ଷଣ । ଦିଲ୍ଲୀ ଏମ୍ସରେ ଏଥିପାଇଁ ସମସ୍ତ ପ୍ରସ୍ତୁତି ହୋଇଛି। ପରୀକ୍ଷଣ ଏମ୍ସ ସମେତ ଦେଶର ୬ଟି କେନ୍ଦ୍ରରେ ହେଉଛି । ତେବେ ଏହାର ଫଳାଫଳ ସେପ୍ଟେମ୍ବରରେ ହିଁ ଆସିପାରିବ ବୋଲି ଜଣାପଡ଼ିଚି। ଡ. ରଣଦୀପ ଗୁଲେରିଆ କହିଛନ୍ତି ଯେ ସେପ୍ଟେମ୍ବର ଶେଷ ସୁଦ୍ଧା ୧୮ ବର୍ଷରୁ କମ୍ ବୟସର ପିଲାଙ୍କ ପାଇଁ ଟିକା ଉପଲବ୍ଧ ହୋଇପାରେ।
ଭାରତ ବାୟୋଟେକ ୨ ରୁ ୬ ବୟସର ଶିଶୁଙ୍କ ପାଇଁ ପ୍ରସ୍ତୁତ କରିଥିବା ‘କୋଭାକ୍ସିନ’ ଟିକାର ଦ୍ବିତୀୟ ଡୋଜ୍ର ପରୀକ୍ଷଣ ହୋବାକୁ ଯାଉଛି। କୋଭିଡ ମହାମାରୀର ତୃତୀୟ ଲହର ଆସିବା ପୂର୍ବରୁ ଭାରତରେ ଟିକାକରଣ ବାବଦ ସମସ୍ତ ଜରୁରୀ ପ୍ରକ୍ରିୟା ଶେଷ କରିବାକୁ ଏମ୍ସ ଲକ୍ଷ ରଖିଛନ୍ତି । ଅନ୍ୟପକ୍ଷେ ପୂର୍ବରୁ ସରକାରଙ୍କ ପକ୍ଷରୁ ଦିଲ୍ଲୀ ହାଇକୋର୍ଟକୁ ଦିଆଯାଇଥିବା ସୂଚନା ଅନୁସାରେ ଜାଇଡସ୍ କ୍ୟାଡିଲା ଏହାର ଡିଏନ୍ଏ ଆଧାରିତ କୋଭିଡ ଟିକା ‘ଜାଇକୋଭ୍-ଡି’ର ୧୨ ରୁ୧୮ ବୟସ ଶ୍ରେଣୀ ପାଇଁ କ୍ଲିନିକାଲ୍ ପରୀକ୍ଷା ଶେଷ କରିଛି। ଆଇନଗତ ମଂଜୁରି ମିଳିବା ପରେ ଏହା ଭବିଷ୍ୟତରେ ଉପଲବ୍ଧ ହୋଇପାରେ।
