ଏଥର ଦୀପାବଳିରେ ଫୁଟିବନି ବାଣ

ଭୁବନେଶ୍ୱର, (ବଡ଼ ଖବର ବ୍ୟୁରୋ): ଏଥର ଦୀପାବଳୀରେ ବାଣ ଫୁଟା ଉପରେ ରୋକ ଲଗାଇଛନ୍ତି ରାଜ୍ୟ ସରକାର । ଗତକାଲି କଟକରେ ବାଣ ବିକ୍ରି କରୁବା ପାଇଁ ଅନୁମତି ପରେ ଆଜି ବାଣ ଫୁଟା ଉପରେ ରୋକ ଲଗାଇଛନ୍ତି ରାଜ୍ୟ ସରକାର । ଏନେଇ ଆଜି ସ୍ୱତନ୍ତ୍ର ରିଲିଫ କମିଶନରଙ୍କ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି । ଯେଉଁଥିରେ ଚଳିତ ବର୍ଷ ଦୀପାବଳିରେ ବାଣ ଫୁଟା ଉପରେ ସମ୍ପୂର୍ଣ୍ଣ ରୋକ ଲଗାଯାଇଛି । ନଭେମ୍ବର ୧୦ ତାରିଖରୁ ୩୦ ତାରିଖ ପର୍ଯ୍ୟନ୍ତ ରାଜ୍ୟର ବାଣ ବ୍ୟବସାୟ ଉପରେ ରୋକ ଲଗାଯାଇଛି ।

କରୋନା କାଳରେ ଶ୍ୱାସ ଜନିତ ସମସ୍ୟାରୁ ମୁକ୍ତି ପାଇଁ ଏହି ପଦକ୍ଷେପ ନିଆଯାଇଥିବା କହିଛନ୍ତି ରାଜ୍ୟ ସରକାର । ବାଣ ଫୁଟିବା ଦ୍ୱାରା ସୃଷ୍ଟି ହେଉଥିବା କାର୍ବନମନୋକ୍ସାଇଡ଼, ନାଇଟ୍ରଅକ୍ସଇଡ଼,ସଲଫର ଡାଇ ଅକ୍ସାଇଡ଼ଭଳି କ୍ଷତିକାରକ ରାସାୟିନୀକ ପଦାର୍ଥ ନିର୍ଗତ ହେବା ଦ୍ୱାର ଶ୍ୱାସ ଜନିତ ସମସ୍ୟା ସୃଷ୍ଟି ହୋଇଥାଏ । କୋଭିଡ ସଂକ୍ରମିତ, ସୁସ୍ଥ ବ୍ୟକ୍ତି ଏହା ଦ୍ୱାରା ପ୍ରଭାବିତ ହେବା ଆଶଙ୍କା ଥିବାରୁ ଏହି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ତେବେ ଏହି ନିୟମ ଖିଲାପ କଲେ ବିପର୍ଯ୍ୟୟ ପରିଚାଳନା ନିୟମରେ କାର୍ଯ୍ୟାନୁଷ୍ଠାନ ନେବା ପାଇଁ ପୋଲିସ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ସରକାର ।