ନେଟୱର୍କ ନାହିଁ ତ ଭୋଟ ନାହିଁ

ରାଇକିଆ (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ରାଇକିଆ ବ୍ଳକ ଅନ୍ତର୍ଗତ ରଣବା ପଞ୍ଚାୟତରେ ମୋବାଇଲ୍ ଟାୱାର ନିର୍ମାଣ ପାଇଁ ପଂଞ୍ଚାୟତ ସାରା ରାଲି କରିଛନ୍ତି । ଟାୱାର ଯଦି ନବସେ ତେବେ ଆସନ୍ତା ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଗ୍ରାମବାସୀ ମୋବାଇଲ୍ ଟାୱାର ନଥିବାରୁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଗ୍ରାମବାସୀ ଗୁରୁତର ରୋଗୀଙ୍କ ସ୍ବାସ୍ଥ୍ୟ ଖରାପ ହେଲେ ଆମ୍ବୁଲାନ୍ସକୁ ଯୋଗାଯୋଗ ହୋଇ ପାରୁନି ।

ଗର୍ଭବତୀ ମାଆମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସେହିଭଳି ଛାତ୍ରଛାତ୍ରୀମାନେ ଅନଲାଇନ ପାଠ ପଢାରୁ ବଞ୍ଚିତ ହେଉଛନ୍ତି । ଆଗାମୀ ପଞ୍ଚାୟତ ନିର୍ବାଚନ ପୂର୍ବରୁ ଯଦି ଟାୱାର ନିର୍ମାଣ କରା ନ ଯାଏ ଓ ସମସ୍ୟା ସମାଧାନ ନ ହୁଏ ତେବେ ରଣବା ପଞ୍ଚାୟତର ଗ୍ରାମବାସୀ ସଂପୂର୍ଣ୍ଣ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି।