ପାଣି ନାହିଁ ତ ଭୋଟ ନାହିଁ
ନରସିଂହପୁର (ବଡ଼ ଖବର ବ୍ୟୁରୋ): ପାନୀୟ ଜଳ ପାଇଁ ପୋଖରୀ ସାହା ଭରସା । ପାଣି ଆଣିବାକୁ ଯାଉଛନ୍ତି ୪ କିମି । ନରସିଂହପୁର ବ୍ଲକ ଚମ୍ପେଶ୍ୱର ପଞ୍ଚାୟତ ଅଧିନସ୍ଥ ସୋଲବନ୍ଧ ଗ୍ରାମ କଥା କହିଲେ ନ ସରେ । ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଲାଗି ରହିଥିବା ବେଳେ ପାଣି ଟିକିଏ ପାଇଁ ଡହଳବିକଳ ହେବାକୁ ପଡୁଛି ସୋଲବନ୍ଧ ଗ୍ରାମବାସୀଙ୍କୁ । ପାନୀୟ ଜଳ ଓ ରାନ୍ଧିବା ବ୍ୟବାହର ନିମନ୍ତେ ପାଣି ଆଣିବାକୁ ଯାଉଛନ୍ତି ୪ କିମି ।
ପାଖରେ ନଳକୂପ ଥିଲେ ମଧ୍ୟ ତାହା ବ୍ୟବହାର ଉପଯୋଗୀ ନୁହେଁ ବୋଲି ସ୍ଥାନୀୟ ମହିଳା ମତବ୍ୟକ୍ତ କରିଛନ୍ତି । ନରସିଂହପୁର ଅଞ୍ଚଳ କିଡିନ ପ୍ରବଣ ହୋଇଥିବା ବେଳେ ନଳକୂପ ପାନୀୟ ଜଳ ବ୍ୟବହାର ଉପଯୋଗୀ ନୁହେଁ । ଏପଟେ ଦେଖିଲେ ଏତେ ଖରାରେ ଲୋକେ ପ୍ରତିଦିନ ୫ କିମି ଚାଲି ବିଲ ହୁଡା ଦେଇ ପାର ହୋଇ ବିପଦପୂର୍ଣ୍ଣ ଅବସ୍ଥାରେ ପାଣି ଆଣୁଛନ୍ତି ନିକଟସ୍ଥ ଚଷା ବାରବାଟି ଗ୍ରାମରେ ଥିବା ପୁଷ୍କରିଣୀରୁ ।
ଏପଟେ ଭୟଭୀତରେ ସୋଲବନ୍ଧ ଗ୍ରାମବାସୀ ଥିବାବେଳେ ପ୍ରଶାସନ ଏହାରି ଉପରେ ନଜର ନାହିଁ । ସତ କହିବାକୁ ଗଲେ ସରକାରଙ୍କ ମାଳ ମାଳ ଯୋଜନା କୁଆଡେ଼ ଗଲା ବୋଲି ସାଧାରଣରେ ଏବେ ଚର୍ଚ୍ଚା ଜୋର ଧରିଛି । ଯଦିଓ ଦେଖିବା ନରସିଂହପୁର ଅଞ୍ଚଳରେ ୨୦୧୪ ମସିହା କାର୍ଯ୍ୟ ଆରମ୍ଭ ହୋଇଥିବା ଏଲଏନଟି କମ୍ପାନୀ ଦ୍ଵାରା ଉଠା ଜଳ ସେଚନ କାର୍ଯ୍ୟକ୍ରମ ଯାହା ମାଧ୍ୟମରେ ଘରେ ଘରେ ପହଞ୍ଚିବା କଥା ଓ ବସୁଧା ଯୋଜନା ମଧ୍ୟ କୁଆଡେ ଗଲା ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି । ମହିଳା ମାନେ ଭୋଟ ବର୍ଜନ ଲାଗି ଚେତାବନୀ ଦେଇଛନ୍ତି ।