ଭୁବନେଶ୍ୱର(ବଡ଼ ଖବର ବ୍ୟୁରୋ) : ନୂଆ ବର୍ଷ ଅବସରରେ ଆଜି ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ୍ (ବିଏମସି) ପକ୍ଷରୁ ନିଆଯାଇଛି ଏକ ଗୁରୁତ୍ୱପୂର୍ଣ୍ଣ ନିଷ୍ୱତ୍ତି । ସହରରେ ଜିରୋ ନାଇଟ୍ ସେଲିବ୍ରେସନକୁ କଡା ନିଷେଧ କରାଯାଇଛି । କୋଭିଡ-୧୯କୁ ଦୃଷ୍ଟିରେ ରଖି ନିଆଯାଇଛି ଏହି ନିଷ୍ପତ୍ତି । ଓଡ଼ିଶା ସରକାର କୋଭିଡ-୧୯ ସଂକ୍ରମଣରୁ ଲୋକଙ୍କୁ ରକ୍ଷା କରିବାପାଇଁ ନଭେମ୍ବର ୩୦ ରେ ଜାରି କରିଥିବା ଆଦେଶ ଅନୁସାରେ ସାମାଜିକ ସଭାକୁ ବାରଣ କରିଥିଲେ । ଏହି ଆଦେଶକୁ ଆଧାର କରି ବିଏମସି ଅଧିକାରୀ ରାଜ୍ୟରେ ଜିରୋ ନାଇଟ ସେଲିବ୍ରେସନକୁ ମନା କରିଛନ୍ତି ।
ବିଏମସି ଦ୍ୱାରା ପ୍ରକାଶିତ ସ୍ପଷ୍ଟୀକରଣ ଅନୁଯାୟୀ ହୋଟେଲ, କ୍ଲବ, କନଭେନସନ୍ ହଲ୍, କଲ୍ୟାଣ ମଣ୍ଡପରେ ଜିରୋ ନାଇଟ୍ ଉତ୍ସବ ସମେତ କୋଣସି ପ୍ରକାରର କାର୍ଯ୍ୟକ୍ରମ କିମ୍ବା ସଭାକୁ କଠୋର ବାରଣ କରାଯାଇଛି। ଏଥର ସମସ୍ତେ ଘରେ ରହି ନିଜ ପରିବାର ସହ ନୂଆବର୍ଷ ପାଳନ କରିବାକୁ କୁହାଯାଇଛି ।
