ଦଶପଲ୍ଲା (ବଡ଼ ଖବର ବ୍ୟୁରୋ): ସ୍କୁଲ ନାହିଁ ତ ଭୋଟ ନାହିଁ । ସ୍କୁଲ ବନ୍ଦ ହେବାରୁ ଗ୍ରାମବାସୀଙ୍କ ଭୋଟ ବର୍ଜନ । ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଖଇରା ପଙ୍କାଳ ଗ୍ରାମବାସୀ ଭୋଟ ବର୍ଜନ କରିଛନ୍ତି । ଫଳରେ ଦଶପଲ୍ଲାର ୧୦୮ ନମ୍ୱର ବୁଥରେ ଖଣ୍ଡେ ହେଲେ ଭୋଟ ପଡ଼ି ନାହିଁ । ଗ୍ରାମବାସୀଙ୍କ ଅଭିଯୋଗ ପୁରୁଣା ସ୍କୁଲକୁ ସରକାର ବନ୍ଦ କରିଦେଇଛନ୍ତି ।
ଫଳରେ ଛୋଟ ଛୋଟ ପିଲା ପାଠ ପଢା ପାଇଁ ଦୂରକୁ ଯାଇ ସମସ୍ୟା ଭୋଗୁଛନ୍ତି । ସ୍କୁଲ ନାହିଁ ତ ଭୋଟ ନାହିଁ ଦାବିରେ ଖଇରା ପଙ୍କାଳ ଗାଁ ଲୋକମାନେ ଭୋଟ ବର୍ଜନ କରିଛନ୍ତି । ଏହି ବୁଥରେ ୪ଶହରୁ ଉର୍ଦ୍ଧ ଭୋଟର ରହିଛନ୍ତି।
