ଗ୍ୟାସରେ ମହିଳା ପୋଡ଼ିଗଲେ

ଆଠଗଡ଼ (ବଡ଼ ଖବର ବ୍ୟୁରୋ): ଗ୍ୟାସରେ ପୋଡ଼ି ମହିଳା ଗୁରୁତର । ଆଜି ଏଭଳି ଅଭାବନୀୟ ଘଟଣା ଘଟିଛି ଆଠଗଡ ଥାନା ଜେନାପଦା ଗ୍ରାମରେ । ଜେନାପଦା ଗ୍ରାମର ସତ୍ୟନାରାୟଣ ମହାନ୍ତିଙ୍କ ସ୍ତ୍ରୀ ସରୋଜିନୀ ମହାନ୍ତି ଆଜି ସକାଳ ୧୧ଟା ସମୟରେ ରୋଷେଇ କରିବାକୁ ଯିବା ସମୟରେ ରୋଷେଇଘରେ ଗ୍ୟାସ ଲିକ ହୋଇଥିଲା । ଜାଣିନପାରି ସରୋଜିନୀ ଗ୍ୟାସ ଲଗାଇବା ସମୟରେ ହଠାତ ତାଙ୍କ ଦେହରେ ନିଆଁ ଲାଗିଯାଇଥିଲା । ପରେ ପରିବାର ଲୋକେ ତାଙ୍କୁ ଉଦ୍ଧାର କରି ଆଠଗଡ଼ ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତର ତାଙ୍କ ଶରୀରର ୪୦ ପ୍ରତିଶତ ପୋଡ଼ି ହୋଇଯାଇଥିବା କହିଥିଲେ । ପରେ ତାଙ୍କୁ କଟକ ବଡ ଡାକ୍ତରଖାନାକୁ ରେଫର କରାଯାଇଛି ।