୫୫କେଜି ଗଞ୍ଜେଇ ଜବତ

କୋରୁକୋଣ୍ଡା(ବଡ଼ ଖବର ବ୍ୟୁରୋ): ମାଲକାନଗିରି ଜିଲ୍ଲା କୋରୁକୋଣ୍ଡା ବଣ୍ଡିଗୁଡା ବ୍ରିଜ ନିକଟରୁ ୫୫ କେଜି ଗଞ୍ଜେଇ ଜବତ ହୋଇଛି । ଗତକାଲି ଓର୍କେଲ ଥାନା ଏସଆଇ ଜୟପ୍ରକାଶ ନାରାୟଣ ହୋତାଙ୍କ ନେତୃତ୍ୱରେ ବଣ୍ଡିଗୁଡା ବ୍ରିଜ ନିକଟରେ ରାତ୍ରି ପାଟ୍ରୋଲିଂ ଚାଲିଥିବା ବେଳେ ଏକ ନମ୍ବର ବିହୀନ କାରରୁ ୫୫ କେଜି ଗଞ୍ଜେଇ ଜବତ ହୋଇଛି । ଗାଡି ଯାଞ୍ଚ ବେଳେ ଦୁଇଟି ମୋବାଇଲ ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ଗିରଫ ଅଭିଯୁକ୍ତ ହେଲେ ଉତ୍ତରପ୍ରଦେଶ ଗାଜିଆବାଦ ଜିଲ୍ଲା ଲଏନର ସାହାନୱାଜ ଅଲ୍ଲୀ(୨୬), କଟକ ଜିଲ୍ଲା ମହାଙ୍ଗାଥାନା ଉମର ଗାଁର ସମୀର କୁମାର ଦାସ (୩୨) । ଗଞ୍ଜେଇକୁ ରାୟପୁର ଚାଲାଣ କରୁଥିବା ଅଭିଯୁକ୍ତମାନେ ତଦନ୍ତ ବେଳେ ସ୍ୱୀକାର କରିଛନ୍ତି।