ସିକ୍କିମରେ ପ୍ରଳୟଙ୍କାରୀ ବନ୍ୟା, ନିଖୋଜ ଯବାନଙ୍କ ମଧ୍ୟରେ ଅଛନ୍ତି ଓଡ଼ିଆ ଯବାନ

(ବଡ଼ ଖବର ବ୍ୟୁରୋ): ସିକ୍କିମରେ ପ୍ରଳୟଙ୍କାରୀ ବନ୍ୟା । ନିଖୋଜ ଯବାନଙ୍କ ମଧ୍ୟରେ ଅଛନ୍ତି ଜଣେ ଓଡ଼ିଆ ଯବାନ । ଗତକାଲି ବନ୍ୟାରେ ୨୩ ଜଣ ଯବାନ ଭାସିଯାଇ ନିଖୋଜ ହୋଇଥିଲେ । ସେମାନଙ୍କ ମଧ୍ୟରେ ଅଛନ୍ତି କାମାକ୍ଷାନଗର ଅଞ୍ଚଳରେ ହାବିଲଦାର ସରୋଜ କୁମାର ଦାସ । ଢେଙ୍କାନାଳ ଜିଲା କାମାକ୍ଷାନଗର ଥାନା ଦିଘି ପଞ୍ଚାୟତ କେନ୍ଦୁଢିପ ଗାଁର ହାବିଲଦାର ସରୋଜ କୁମାର ସାହୁ ସିକ୍କିମ ବନ୍ୟାରେ ନିଖୋଜ ଅଛନ୍ତି। ସେ ୨୦୧୨ ସେପ୍ଟେମ୍ବରରେ ସେନାରେ ଇଏମଇ ଯବାନ ଭାବେ ନିଯୁକ୍ତି ପାଇଥିଲେ । ସରୋଜ ଗତ ସାତ ମାସ ହେବ ବିବାହ କରିଥିବା ବେଳେ ଦୁଇମାସ ପୂର୍ବରୁ ଅର୍ଥାତ ଅଗଷ୍ଟ ମାସରେ ଘରକୁ ଆସିଥିଲେ। ପ୍ରବଳ ବର୍ଷା ଯୋଗୁଁ ଗାଡ଼ି ଭିତରେ ରହିଥିବା କଥା ସେ ମଙ୍ଗଳବାର ରାତିରେ ପରିବାର ଲୋକଙ୍କୁ ଫୋନରେ କହିଥିଲେ । ବୁଧବାର ଦିନ ୧୧ ଟାରେ ପରିବାର ଲୋକ ଖବର ପାଇଥିଲେ ଯେ ସରୋଜ ନିଖୋଜ ଅଛନ୍ତି । ଖବର ପାଇ ପରିବାର ସହ ସମଗ୍ର ଅଞ୍ଚଳ ଦୁଃଖର ଛାୟା ଖେଳିଯାଇଛି ।