ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମହାମାରୀ ବେଳେ ଦେଶରେ ବଢ଼ିଛି ୨୮% ଅପରାଧ । ୨୦୨୦ରେ ଦୈନିକ ୮୦ ହତ୍ୟାକାଣ୍ଡ ଘଟିଛି । ବଳାତ୍କାର, ଏସିଡ୍, ଆକ୍ରମଣ, ହତ୍ୟା, ଯୌତୁକ ନିର୍ଯାତନା, ଚାଲାଣ, ଅସଦାଚରଣ ବିରୋଧି ହିଂସା ଓଡ଼ିଶାରେ ବଢିଚାଲିଛି । ଏନସିଆରବି ରିପୋର୍ଟ ଅନୁସାରେ ଦେଶରେ ପୂର୍ବ ବର୍ଷ ତୁଳନାରେ ୮.୩% ମହିଳା ବିରୋଧି ଅପରାଧ ହ୍ରାସ ପାଇଛି ।
୨୦୧୯ରେ ୪ଲକ୍ଷ ୫ହଜାର ୩୨୬ ମାମଲା ରୁଜୁ ହୋଇଥିଲା । ୨୦୨୦ରେ ୩ଲକ୍ଷ ୭୧ହଜାର ୫୦୩ ହ୍ରାସ ପାଇଛି । ମାତ୍ର ପଶ୍ଚିମବଙ୍ଗ ଓ ଓଡ଼ିଶାରେ ୧୮ ପ୍ରତିଶତ ଓ ୯ପ୍ରତିଶତ ବୃଦ୍ଧି ପାଇଛି । ଓଡ଼ିଶାରେ ୨୦୧୯ରେ ୨୩ହଜାର ୧୮୩ ମହିଳା ବିରୋଧି ହିଂସା ମାମଲା ରୁଜୁ ହୋଇଥିବା ବେଳେ ୨୦୨୦ରେ ୨୫ହଜାର ୪୮୯ ମାମଲା ରୁଜୁ ହୋଇଛି ।
ସେହିପରି ପଶ୍ଚିମବଙ୍ଗରେ ଯଥାକ୍ରମେ ୨୯,୮୫୯ ଏବଂ ୩୬,୪୩୯ଟି ମାମଲା ରୁଜୁ ହୋଇଛି । ସ୍ୱାମୀ କିମ୍ବା ସମ୍ପର୍କୀୟ ଦ୍ୱରା କ୍ରୁରତା ଅଭିଯୋଗରେ ଅଧିକାଂଶ ମାମଲା ରୁଜୁ ହୋଇଛି । ମହିଳାଙ୍କୁ ଦବାଇ ରଖିବାରେ ଉଦ୍ଦ୍ୟେଶରେ ଆକ୍ରମଣ , ଅପହରଣ ଏବଂ ବଳାତ୍କାର ଆଦି ପ୍ରମୁଖ ମାମଲା ରହିଛି ।
