ବିଧାନସଭାରେ ପାରିତ ହେଲା ଓଡ଼ିଶା ବିଶ୍ୱବିଦ୍ୟାଳୟ ସଂଶୋଧନ ବିଲ୍

ଭୁବନେଶ୍ୱର, (ବଡ଼ ଖବର ବ୍ୟୁରୋ): ବହୁ ବାଦବିବାଦ ଭିତରେ ମଙ୍ଗଳବାର ବିଧାନସଭାରେ ପାରିତ ହୋଇଛି ଓଡ଼ିଶା ବିଶ୍ୱବିଦ୍ୟାଳୟ ସଂଶୋଧନ ବିଲ୍-୨୦୨୦ । ୪ଦିନର ଆଲୋଚନା ପରେ ବିଲ ପାରିତ ହୋଇଛି । ବିରୋଧୀ ଏହି ବିଲକୁ ବିରୋଧ କରିଛନ୍ତି । ଆଜିର ଆଲୋଚନାରେ ବିଜେପି ଅଶଂଗ୍ରହଣ କରି ନ ଥିବା ବେଳେ ଏହାକୁ କଳାବିଲ୍ କହି ଭର୍ତ୍ସନା କରିଛନ୍ତି କଂଗ୍ରେସ ବିଧାୟକଦଳ ନେତା ନରସିଂହ ମିଶ୍ର । ବିଧାନସଭା ଇତିହାସରେ ଆଜି ଏକ କଳା ଦିବସ ବୋଲି କହିଛନ୍ତି ମିଶ୍ର ।
ସଂଶୋଧିତ ବିଲରେ ସିନେଟ୍ ବ୍ୟବସ୍ଥାକୁ ଉଚ୍ଛେଦ କରି ସିଣ୍ଡିକେଟକୁ ମଜଭୁତ କରିବା ପାଇଁ ଦୃଷ୍ଟି ଦିଆଯାଇଥିବା କଥା କହିଛନ୍ତି ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ ସାହୁ ।