ପରକୀୟା ପ୍ରୀତିର କରୁଣ ପରିଣତି

ଗଞ୍ଜାମ (ବଡ଼ ଖବର ବ୍ୟୁରୋ): ପରକୀୟା ପ୍ରୀତି କେତେ ଯେ ଭୟଙ୍କର ଗଞ୍ଜାମ ଜିଲ୍ଲା ବାଲିପଦର ଅଞ୍ଚଳରେ ଦେଖିବାକୁ ମିଳିଛି । ବିବାହିତା ପ୍ରେମିକା ଏବଂ ତାଙ୍କ ପୁଅର ଗଳା କାଟିଦେଇଛି ପ୍ରେମିକ । ଏତିକିରେ ମନ ବୁଝିଲାନି ଯେ ଶେଷରେ ନିଜ ଗଳା କାଟିବାକୁ ପଛାଇନି ପାଗଳ ପ୍ରେମିକ । ଗୁରୁତର ମହିଳା ଏବଂ ତାଙ୍କ ପୁଅଙ୍କୁ ବ୍ରହ୍ମପୁର ବଡ଼ମେଡିକାଲରେ ଭର୍ତ୍ତି କରାଯାଇଛି । ଅଭିଯୁକ୍ତ ପ୍ରେମିକ ରୂପନାରାୟଣକୁ ଅଟକ ରଖିଛି ପୋଲିସ ।

ଅଭିଯୁକ୍ତ ରୂପନାରାୟଣ ଜଣେ ଇଲେକ୍ଟି ଇଞ୍ଜିନିୟର । ମହିଳାଙ୍କ ସ୍ୱାମୀ ଢ଼େଙ୍କାନାଳରେ ତାଙ୍କ ସହ କାମ କରୁଥିଲେ । ସେଠାରେ ରୂପନାରାୟଣ ସହ ମହିଳାଙ୍କ ପ୍ରେମ ସମ୍ପର୍କ ଗଢ଼ିଉଠିଥିଲା । ଅଢ଼େଇବର୍ଷ ହେବ ସ୍ୱାମୀଙ୍କ ସହ ଗାଁରେ ଆସି ରହିଥିଲେ ସୁଦ୍ଧା ମହିଳାଙ୍କ ପାଖକୁ ଯିବା ଆସିବା କରୁଥିଲେ ପ୍ରେମିକ ରୂପନାରାୟଣ ।

ସେମବାର ବିବାହିତା ପ୍ରେମିକାଙ୍କ ଫୋନ ନଲାଗିବାରୁ ସିଧା ଆସି ଘରେ ପହଞ୍ଚିଯାଇଥିଲେ ପ୍ରେମିକ । ସାମାନ୍ୟ କଥାକୁ ନେଇ ବଚସା ହେବାରୁ ଘଟିଥିଲା ଅପ୍ରୀତିକର ପରିସ୍ଥିତି । ପ୍ରେମିକା ଓ ତାଙ୍କ ପୁଅର ଗଳା କାଟିବା ପରେ ନିଜର ଗଳାକୁ କାଟି ଫେରାର ହୋଇଯାଉଥିବା ବେଳେ ଗାଁଲୋକେ କାବୁ କରି ନେଇଥିଲେ । ଉତ୍ତମ ମଧ୍ୟମ ଦେବା ପରେ ଅଭିଯୁକ୍ତକୁ ପୋଲିସ ଜିମା ଦେଇଛନ୍ତି ।