ନୀତି ଆୟୋଗ ବୈଠକରେ ଓଡ଼ିଶାର ପ୍ରସ୍ତାବ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆରମ୍ଭ ହୋଇଛି ନୀତି ଆୟୋଗର ଷଷ୍ଠ ପରିଚାଳନା ପରିଷଦର ବୈଠକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଭିଡିଓ କନଫରେନ୍ସିଂ ଜରିଆରେ ଆରମ୍ଭ କରାଯାଇଛି । ବୈଠକରେ ବିଭିନ୍ନ ଦେଶର ମୁଖ୍ୟମନ୍ତ୍ରୀଙ୍କ ସହିତ ଓଡିଶାର ମୁଖ୍ୟମନ୍ତ୍ରୀ ମଧ୍ୟ ଯୋଗ ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ, ଦେଶ ସ୍ୱାଧିନତାର ୭୫ ବର୍ଷ ପାଳନ କରିବାକୁ ଯାଉଛି । ଏହି ଦୃଷ୍ଟିରୁ ନୀତି ଆୟୋଗର ଗଭର୍ଣ୍ଣିଂ କାଉନସିଲ ବୈଠକ ଅତି ଗୁରୁତ୍ୱପୂର୍ଣ୍ଣ । ମହାମାରୀ ବେଳେ କେନ୍ଦ୍ର ଓ ରାଜ୍ୟ ସରକାର ଦେଶକୁ ସଫଳ କରିବା ପାଇଁ ମିଳିତ ଭାବେ କାମ କରିଛନ୍ତି ।
ବିକାଶ ହିଁ ମୁଖ୍ୟ ଫୋକସ ହେବା ଦରକାର । ୨୦୧୪ରୁ ସହର ଓ ଗ୍ରାମାଞ୍ଚଳରେ ୨.୪ କୋଟିରୁ ଅଧିକ ଘର ତିଆରି ହୋଇଛି । ନୂଆ ମଡେଲରେ ମଜବୁତ ଘର ତିଆରି ହେବ । ଘରୋଇ କ୍ଷେତ୍ର ଦେଶର ବିକାଶରେ ଉତ୍ସାହର ସହ ଆଗକୁ ବଢୁଛନ୍ତି । ଏହା ଆତ୍ମନିର୍ଭର ଭାରତକୁ ପ୍ରୋତ୍ସାହିତ କରିବ ।ଭାରତରେ କୃଷି କ୍ଷେତ୍ର ଉପରେ ଜୋର ଦେବାକୁ ପଡିବ ।
ଏହି କ୍ଷେତ୍ରରେ ଦେଶ ପାଖରେ ଅଧିକ କ୍ଷମତା ରହିଛି । କୃଷି ଉତ୍ପାଦର କ୍ଷତି କମ କରିବା ଆବଶ୍ୟକ । କୃଷି ପ୍ରଧାନ ଦେଶ ସତ୍ତ୍ୱେ ୬୫-୭୦ ହଜାର କୋଟିର ଖାଇବା ତେଲ ଆମଦାନୀ କରିବାକୁ ହେଉଛି । ଏହାକୁ ବନ୍ଦ କରାଯାଇ ପାରିବ । କୃଷକଙ୍କୁ ଲାଭ ମିଳିବା ଦରକାର । ସେମାନଙ୍କୁ ଅଳ୍ପ ଗାଇଡ୍ କରିବାକୁ ହେବ । ବଜେଟ ପରେ ସକରାତ୍ମକ ପ୍ରତିକ୍ରିୟା ସାମ୍ନାକୁ ଆସିଛି ।
ନୀତି ଆୟୋଗ ବୈଠକରେ ମୁଖ୍ୟମନ୍ତ୍ରୀ ମଧ୍ୟ ପ୍ରସ୍ତାବ ରଖିଛନ୍ତି । ‘ସ୍ପେଶାଲ ଫୋକସ ଷ୍ଟେଟ’ ପ୍ରସଙ୍ଗ ଉଠାଇ ଥିଲେ ମୁଖ୍ୟମନ୍ତ୍ରୀ । ରାଜ୍ୟ ବାରମ୍ବାର ପ୍ରାକୃତିକ ବିପର୍ଯ୍ୟୟର ସମ୍ମୁ୍ଖୀନ ହେଉଥିବା ସେ ଦାବି କରିଛନ୍ତି । ନୀତି ଆୟୋଗ ବୈଠକରେ ଅନେକ ପ୍ରସଙ୍ଗ ଉଠାଇଛନ୍ତି ମୁଖ୍ୟମନ୍ତ୍ରୀ । ସମସ୍ତ ପ୍ରସଙ୍ଗକୁ ନୀତି ଆୟୋଗ ଗମ୍ଭୀର ଭାବେ ନେବା ଉଚିିତ । ଗ୍ରାମାଂଚଳ ଓ ଗରିବ ପିଲାଙ୍କ ମେଧାକୁ ନଜର ଦିଆଯିବା ଉଚିତ । ୟୁପିଏସସି ,ଏନଇଇଟି ଜେଇଇ ଭଳି ପରୀକ୍ଷା ଢାଂଚା ବଦଳିବା ଦରକାର । ଅଷ୍ଟମ ପରିଚ୍ଛେଦରେ ଗୁରୁତ୍ୱପୂର୍ଣ୍ଣ ଭାଷା ସାମିଲ କରିବାକୁ ଦାବି । ନିର୍ବାଚିତ ସରକାରଙ୍କ କାର୍ଯ୍ୟକୁ ରାଜନୈତିକ ଦୃଷ୍ଟିରେ ଦେଖାଯାଉଛି । ‘ଏହା ଦେଶର ଶାନ୍ତି ଓ ପ୍ରଗତିର ବଡ଼ ବିପଦ’ ।