ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କରୋନା ଦେଶରେ ଦିନକୁ ଦିନ ଆୟତ୍ୱ ହେବାରେ ଲାଗିଛି । ସେପଟେ ଦେଶରୁ କରୋନାକୁ ସମ୍ପୂର୍ଣ୍ଣ ହରାଇବା ପାଇଁ ପ୍ରଧାନମନ୍ତ୍ରୀ ଟିକାକରଣ ଅଭିଯାନକୁ ଅଧିକ ଗୁରୁତ୍ୱ ଦେବାରେ ଲାଗିଛନ୍ତି । ହେଲେ ଦେଶର ଟିକାକରଣକୁ ନେଇ ପ୍ରଶ୍ନ କରିଛି ଜାତୀୟ କଂଗ୍ରେସ । କାହିିଁକିନା କିଛିଦିନ ପୂର୍ବରୁ ସାରା ଦେଶ ପ୍ରଧାନମନ୍ତ୍ରୀଙ୍କ ଜନ୍ମଦିନ ପାଳନ କରିଥିଲା । କେବଳ ଏତିକି ନୁହେଁ ବରଂ ଏହି ଅବସରରେ ଦେଶରେ ଏକ କୋଟି ଟିକାକରଣ କରାଯିବା ଲକ୍ଷ୍ୟ ମଧ୍ୟ ରଖାଯାଇଥିଲା । ଯାହା ପୂରଣ ମଧ୍ୟ ହୋଇଥିଲା । ସେପଟେ ଏହି କଥାକୁ କିଛି ଲୋକ ସ୍ୱାଗତଯୋଗ୍ୟ ପଦକ୍ଷେପ କହୁଥିବାବେଳେ ଆଉ କିଏ ଦେଶରୁ ପ୍ରଧାନମନ୍ତ୍ରୀଙ୍କ ଛବି ସୁଧାରିବା ପାଇଁ ଦଳର ଏହା ଆଉ ଗୋଟିଏ ଚାଲ ବୋଲି ଅଭିଯୋଗ କରିଥିଲେ । ଏହା ମଧ୍ୟରେ କେନ୍ଦ୍ର ସରକାରଙ୍କ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପକୁ କଂଗ୍ରେସ ଅଧ୍ୟକ୍ଷା କଡ଼ା ସମାଲୋଚନା କରିଥିବାର ଦେଖିବାକୁ ମିଳିଥିଲା ।
ତେବେ ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନରେ ଯଦି ଏକ କୋଟି ଟିକା ଦିଆଯାଇପାରୁଛି । ତାହାଲେ ଏହା କାହିଁକି ପ୍ରତିଦିନ କରାଯାଇ ପାରୁ ନାହିଁ । କରୋନାର ପ୍ରଥମ ଲୋହର ପରେ ସରକାର ଦ୍ୱିତୀୟ ଲୋହର ପାଇଁ ପ୍ରସ୍ତୁତ ନଥିଲେ । ଅମ୍ଳଜାନ ଅଭାବ ଯୋଗୁଁ ଛଟପଟ ହେଉଥିବା ଲୋକଙ୍କ ଅବସ୍ଥା ଏବଂ ଅସହାୟ ପରିବାରଙ୍କ କଷ୍ଟକୁ ସରକାର ହୃଦୟଙ୍ଗମ କରିପାରି ନାହଁନ୍ତି । ଏହାକୁ ଦେଶ କେବେ ବି ଭୁଲି ପାରିବ ନାହିଁ । ମୋଦି ସରକାର କରୋନା ବିରୋଧୀ ଲଢେଇକୁ ଏକ ଇଭେଣ୍ଟ ମ୍ୟାନେଜମେଣ୍ଟ ସୁଯୋଗ ଭାବେ ବିଚାର କରୁଛନ୍ତି ବୋଲି ସୋନିଆ ଗାନ୍ଧୀ କହିଛନ୍ତି । କେବଳ ଏତିକି ନୁହେଁ ବରଂ ନିଜ ରାଜନୈତିକ ସ୍ୱାର୍ଥ ପାଇଁ ମୋଦି ସରକାର ଲୋକଙ୍କ ଦୁଃଖ କଷ୍ଟ ନ ବୁଝି ଏଭଳି କରୁଛନ୍ତି । ଏପର୍ଯ୍ୟନ୍ତ ଜନସଂଖ୍ୟାର ଏକ ତୃତୀୟାଂଶରୁ କମ ଉଭୟ ଟିକା ଗ୍ରହଣ କରିଛନ୍ତି । ଏପରିକି ପିଲାମାନଙ୍କୁ ଟିକାକରଣରେ ମଧ୍ୟ ଦଳ ରାଜନୈତିକ ସ୍ୱାର୍ଥ ଦେଖୁଛି ବୋଲି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ କହିଛନ୍ତି ।
