ଭୁବନେଶ୍ୱର(ବଡ଼ ଖବର ବ୍ୟୁରୋ): ଓଡିଶାର ପ୍ରଖ୍ୟାତ ସ୍ଥପତି ପଦ୍ମଭୂଷଣ ରଘୁନାଥ ମାହାପାତ୍ରଙ୍କ ଅନନ୍ୟ ସୃଷ୍ଟି ମାଷ୍ଟରକ୍ୟାଣ୍ଟିନ ଛକର ଘୋଡା ଏବଂ ଯୋଦ୍ଧା ସ୍ଥାପତ୍ୟ ହଟାଇବାକୁ ନିଷ୍ପତ୍ତି ନେଇଛନ୍ତି ସରକାର । ଏହାକୁ ଯାହାକୁ ଏବେ ବିଭିନ୍ନ ସଂଗଠନ ବିରୋଧ କରୁଥିବା ଦେଖିବାକୁ ମିଳିଛି । ପ୍ରଥମେ ଏହାକୁ କଂଗ୍ରେସ ବିରୋଧ କରୁଥିବା ବେଳେ ଏବେ ଏଥିରେ ଭାରତୀୟ ଜନତା ପାର୍ଟି ମଧ୍ୟ ସାମିଲ ହୋଇଛି । ଦଶନ୍ଧି ଧରି ରାଜଧାନୀର ପ୍ରତୀକ ପାଲଟିଥିବା ମାଷ୍ଟରକ୍ୟାଣ୍ଟିନ ଘୋଡ଼ାକୁ ୧୯୮୮ ମସିହାରେ ଶିଳ୍ପୀ ରଘୁନାଥ ମହାପାତ୍ର ସ୍ଥାପନ କରିଥିଲେ ।
ବର୍ତ୍ତମାନ ସ୍ମାର୍ଟ ଜନପଥର ଯୋଜନା ପାଇଁ ଏହି ଘୋଡ଼ାକୁ ରାଜଭବନ ସମ୍ମୁଖକୁ ସ୍ଥାନାନ୍ତର କରିବାକୁ ଯୋଜନା ଚାଲିଛି । ଯାହାକୁ ନେଇ ଏବେ ବିଭିନ୍ନ ସଂଗଠନ ବିରୋଧ କରିବା ସହ ଘୋଡ଼ା ଉଠିଲେ ଅଧିକ ବିରୋଧ କରିବାକୁ ଚେତାବନୀ ଦେଇଛନ୍ତି ।
