ତୃତୀୟ ଦିନରେ ଆଉଟ ସୋସିଂ କର୍ମଚାରୀଙ୍କ ଧାରଣା

ଭୁବନେଶ୍ୱର(ବଡ଼ ଖବର ବ୍ୟୁରୋ): ତୃତୀୟ ଦିନରେ ଆଉଟ ସୋସିଂ କର୍ମଚାରୀଙ୍କ ଧାରଣା । ପ୍ରଚଣ୍ଡ ଖରାରେ ଧାରଣା ଦେଇଛନ୍ତି ହଜାର ହଜାର ଆଉଟ ସୋସିଂ କର୍ମଚାରୀ । ରାଜଧାନୀରେ ଆନ୍ଦୋଳନରେ ବସିଛନ୍ତି ଆଉଟସୋର୍ସିଂ କର୍ମଚାରୀ । ଶନିବାରଠୁ ଆନ୍ଦୋଳନରେ ବସିଛନ୍ତି । ହେଲେ ଏଯାଏଁ ତାଙ୍କର ଦାବି ପୂରଣ ହୋଇନାହିଁ । ୧୦ ଦଫା ଦାବି ନେଇ ଗାନ୍ଧୀମାର୍ଗରେ ଓଡ଼ିଶା ସରକାରୀ ଆଉଟସୋର୍ସିଂ କର୍ମଚାରୀ ମହାସଂଘ ଆନ୍ଦୋଳନ ଚଳାଇଛନ୍ତି ।

ସରକାରୀ ସ୍ତରରେ ଆଲୋଚନା ପାଇଁ ବ୍ୟବସ୍ଥା କରାଯାଇ ନଥିବାରୁ ଆଜିଠୁ ମହାସଂଘ କାର୍ୟ୍ୟବନ୍ଦ ଆନ୍ଦୋଳନ କରିବ ବୋଲି ନିଷ୍ପତ୍ତି ନେଇଛି । ଗ୍ରୁପ୍-ବି, ସି ଓ ଡିରେ ଖାଲିଥିବା ମୋଟ ୨ଲକ୍ଷ ୩୦ ହଜାର ପଦରେ ଆଉଟସୋର୍ସି କର୍ମଚାରୀମାନଙ୍କୁ ନିୟମିତ ନିଯୁକ୍ତି, ନିୟମିତ ଆଦେଶ ବାହାରିବା ପର୍ୟ୍ୟନ୍ତ ଚାକିରି ନିରାପତା ଓ ଦରମା ବୃଦ୍ଧି, ଛଟେଇ କର୍ମଚାରୀଙ୍କୁ ପୁନଃନିଯୁକ୍ତି ପାଇଁ ମହାସଂଘ ପକ୍ଷରୁ ଦାବି କରାଯାଇଛି ।