ପିଭି ସିନ୍ଧୁଙ୍କୁ ପଦ୍ମଭୂଷଣ

By Bada Khabar Bureau Last updated Nov 8, 2021

(ବଡ଼ ଖବର ବ୍ୟୁରୋ) ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ପାଇଲେ ପଦ୍ମଭୂଷଣ ପୁରସ୍କାର । ପିଭି ଦୁଇ ଦୁଇ ଥର ଅଲିମ୍ପିକରେ ପଦକ ହାସଲ କରି ଦେଶ ପାଇ ଗୌରବ ଆଣିଛନ୍ତି । ଆଜି ତାଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ଏହି ପୁରସ୍କାର ପ୍ରଦାନ କରିଛନ୍ତି । ଆଜି ଦିଲ୍ଲୀ ରାଷ୍ଟ୍ର ଭବନରେ ଆୟୋଜିତ ଏହି ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଧ୍ୟ ସାମିଲ ଥିଲେ ।

ସୂଚନା ଅନୁଯାୟୀ ଗତ ବର୍ଷ ପିଭି ସିନ୍ଧୁ ବିଶ୍ୱ ଚମ୍ପିଅନସିପ୍ ଜିତିଥିଲେ । ୨୦୧୬ରେ ରିଓରେ ଆୟୋଜିତ ଅଲିମ୍ପିକ୍ସରେ ସେ ରୋପ୍ୟ ପଦକ ଜିତିଥିଲେ । ୨୦୧୫ ରେ ତାଙ୍କୁ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା । ଟୋକିଓ ଅଲିମ୍ପିକ୍ସ ୨୦୨୦ରେ ସିନ୍ଧୁ ବ୍ରୋଞ୍ଜ ପଦକ ଜିତିଥିଲେ । ତେବେ ପିଭି ହେଉଛନ୍ତି ପ୍ରଥମ ଭାରତୀୟ ମହିଳା ଯିଏକି ଦୁଇଟି ଅଲିମ୍ପିକ୍ ମେଡାଲ ଜିତିଛନ୍ତି ।