ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେବାଳିଆ ପାକିସ୍ତାନ । ଦରମା ନେବେନି ପ୍ରଧାନମନ୍ତ୍ରୀ, ମନ୍ତ୍ରୀ । ପାକିସ୍ତାନ ପାଖରେ ଆଉ ମାତ୍ର ୩୦୦ କୋଟି ଡଲାରର ବିଦେଶୀ ମୁଦ୍ରାଭଣ୍ଡାର ରହିଛି । ପାକିସ୍ତାନ ଦେବାଳିଆ ସ୍ଥିତିକୁ ଆସୁଥିବା କୁହାଯାଉଛି । ଦରଦାମ୍ ସ୍ଥିତି ଉକôଟ ହେଉଥିବା ବେଳେ ଜନତା ଓ ସରକାରଙ୍କ ଆର୍ଥିକ ମେରୁଦଣ୍ଡ ଦୋହଲିଯାଇଛି । ଏଭଳି ସ୍ଥିତିରେ ପାକିସ୍ତାନକୁ ବଞ୍ଚାଇବା ପାଇଁ ଦେଶର ଶାହବାଜ ସରକାର ଶେଷ ଅସ୍ତ୍ର ପ୍ରୟୋଗ କରିଛନ୍ତି । ପ୍ରଧାନମନ୍ତ୍ରୀ ଶାହବାଜ ଶରିଫ ସରକାରୀ ଖର୍ଚ୍ଚରେ ମୋଟା ଅଙ୍କର କାଟଛାଣ୍ଟ ପାଇଁ ଘୋଷଣା କରିଛନ୍ତି । ଏମିତିକି ମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କର ଦରମା କଟାହେବା ନେଇ ଘୋଷଣା କରାଯାଇଛି ।
ଶାହବାଜ କହିଛନ୍ତି, ମୁଁ ଓ ବାକି କ୍ୟାବିନେଟ ମନ୍ତ୍ରୀମାନେ ଦରମା ନେବୁନାହିଁ । କେନ୍ଦ୍ର ମନ୍ତ୍ରୀ ମାନେ ବିଜୁଳି, ପାଣି, ଗ୍ୟାସ ଓ ଟେଲିଫୋନ ବିଲ୍ ପୈଠ ପାଇଁ ନିଜ ପକେଟରୁ ଖର୍ଚ୍ଚ କରିବେ । ମନ୍ତ୍ରୀମାନଙ୍କ ସୌଖୀନ କାର୍ ନିଲାମ ହେବ । ସୁପି୍ରମକୋର୍ଟ, ହାଇକୋର୍ଟ ଏବଂ ଅମଲାତନ୍ତ୍ରରେ ବି ଖର୍ଚ୍ଚ କାଟ କରିବା ପାଇଁ ପ୍ରଧାନମନ୍ତ୍ରୀ ଶାହବାଜ୍ ଅପିଲ୍ କରିଛନ୍ତି । ଅନୂପକ୍ଷରେ ଦେଶର ସେନା ପାଇଁ କୌଣସି ଖର୍ଚ୍ଚକାଟ ରଣନୀତି ଗ୍ରହଣ କରାଯାଇ ନାହିଁ ।
