ପାଟନା ସିରିଏଲ ବିସ୍ଫୋରଣ, ୪ ଜଣଙ୍କୁ ଫାଶୀ ଦଣ୍ଡାଦେଶ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାଟନାରେ ହୋଇଥିବା ସିରିଏଲ ବିସ୍ଫୋରଣର ରାୟ ପ୍ରକାଶ ପାଇଛି । ଗାନ୍ଧି ମଇଦାନରେ ଚାଲିଥିବା ମୋଦିଙ୍କ ହୁଙ୍କାର ରାଲିରେ ହୋଇଥିଲା ବିସ୍ଫୋରଣ । ପାଟନା ଗାନ୍ଧୀ ମଇଦାନରେ ୨୦୧୩ରେ ହୋଇଥିବା ସିରିଏଲ ବ୍ଲାଷ୍ଟ ଘଟଣାରେ ଏନଆଇଏର ସ୍ୱତନ୍ତ୍ର ଅଦାଲତ ସୋମବାର ରାୟ ଶୁଣାଇଛନ୍ତି ।
ପାଟନା କୋର୍ଟର ଏହା ଏକ ଐତିହାସିକ ରାୟ ବୋଲି କୁହାଯାଉଛି । ଏନଆଇଏ କୋର୍ଟ ଏହି ଘଟଣାରେ ୪ ଦୋଷୀଙ୍କୁ ଫାଶି ଦଣ୍ଡାଦେଶ ଦେଇଛନ୍ତି । ଠିକ ୮ ବର୍ଷ ପରେ ଏହି ଘଟଣାର ରାୟ ପ୍ରକାଶ ପାଇଛି । ଏହି ଘଟଣାରେ କୋର୍ଟ ୯ ଜଣଙ୍କୁ ଦୋଷୀ ବୋଲି ରାୟ ଶୁଣାଇଛନ୍ତି । ସେଥିରୁ ୪ ଜଣଙ୍କୁ ଫାଶୀ ଦଣ୍ଡାଦେଶ ଦିଆଯାଇଛି । ଅନ୍ୟ ଦୁଇ ଜଣଙ୍କୁ ଆଜୀବନ କାରାଦଣ୍ଡାଦେଶ ଦିଆଯାଇଥିବା ବେଳେ ଆଉ ଦୁଇ ଦୋଷୀଙ୍କୁ ୧୦ ବର୍ଷ ଲେଖାଏଁ ଜେଲ୍ ଦଣ୍ଡାଦେଶ ହୋଇଛି ।
ଅନ୍ୟ ଜଣକୁ ୭ ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି କୋର୍ଟ ।ପାଟନାର ଐତିହାସିକ ଗାନ୍ଧି ମଇଦାନରେ ନରେନ୍ଦ୍ର ମୋଦିଙ୍କ ହୁଙ୍କାର ରାଲି ଚାଲିଥିବା ବେଳେ ସିରିଏଲ ବିସ୍ଫୋରଣ ଘଟିଥିଲା । ପାଟନା ଜଙ୍ଗସନ୍ ପ୍ଲାଟ୍ଫର୍ମ ନମ୍ବର ୧-ରେ ବି ବିସ୍ଫୋରଣ ଘଟିଥିଲା । ଏଥିରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୮୦ରୁ ଅଧିକ ଜଣ ଗୁରୁତର ହୋଇଥିଲେ ।