ପିସି ଦିଅ, ବିଲ୍ ପାସ ହେବ

ପଦ୍ମପୁର (ବଡ଼ ଖବର ବ୍ୟୁରୋ): ପିସି ନ ଦେଲେ ବିଲ୍ ଫାଇଲ ପଡ଼ିରହୁଛି । ବିଲ ପାସ କରିବାକୁ ଭୁଲି ଯାଉଛନ୍ତି ପଞ୍ଚାୟତ ସମିତି କର୍ମଚାଚରୀ । ପାଇକମାଳ ବ୍ଲକରୁ ଆସିଛି ଏଭଳି ସଙ୍ଗିନ ଅଭିଯୋଗ । ପଦ୍ମପୁର ଉପଖଣ୍ତ ପାଇକମାଳ ବିଡିଓ ଓ ଅନ୍ୟ କର୍ମଚାରୀମାନେ ସରପଞ୍ଚମାନଙ୍କୁ ପିସି ମାଗୁଥିବା ଅଭିଯୋଗ ହେଉଛି ।

ଉନ୍ନୟନ କାର୍ଯ୍ୟର ବିଲ ପାସ କରିବା ଲାଗି ବିଡିଓ ୨%, ଇନଚାର୍ଜ ଜିପିଇଓ ୧% ମାଗୁଥିବା ଲିଖିତ ଅଭିଯୋଗ କରିଛନ୍ତି ବିଭିନ୍ନ ପଞ୍ଚାୟତର ସରପଞ୍ଚ। ବୁଧବାର ବରଗଡ଼ ଉପଜିଲ୍ଲାପାଳଙ୍କୁ ଏ ନେଇ ଅଭିଯୋଗ କରିଛି ସରପଞ୍ଚ ସଂଘ । ବରଗଡ଼ ଜିଲ୍ଲାପାଳ ଓ ପଦ୍ମପୁର ବିଧାୟକଙ୍କୁ ମଧ୍ୟ ଅଭିଯୋଗପତ୍ରର ନକଲ ପଠାଇଛନ୍ତି । ବିଡିଓଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ସଂଘ ।