ଜନସାଧାରଣ ଲୋକାଲ ପ୍ରାର୍ଥୀଙ୍କୁ ଅଧିକ ପସନ୍ଦ କରୁଛନ୍ତି: ସନ୍ତୋଷ ସିଂ ସାଲୁଜା
ଭୁବନେଶ୍ୱର (ବଡ଼ ଖବର ବ୍ୟୁରୋ): ଝାରସୁଗୁଡା ଉପନିର୍ବାଚନ ପାଇଁ ମାହୋଲ ଭଲ ରହିଛି । ଗଣମାଧ୍ୟମକୁ ପ୍ରତିକ୍ରିୟା ଦେଇ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି ଜନସାଧାରଣ ଲୋକାଲ ପ୍ରାର୍ଥୀଙ୍କୁ ଅଧିକ ପସନ୍ଦ କରୁଛନ୍ତି । କଂଗ୍ରେସ ବୀରେନ୍ଦ୍ର ପାଣ୍ଡେଙ୍କ ପୁଅକୁ ଟିକେଟ ଦେଇଛି । ସିଏ ସେହି ଅଂଚଳର ଲୋକାଲ ବ୍ୟକ୍ତି । ବିଜେଡି ଓ ବିଜେପିର ପ୍ରାର୍ଥୀ ଝାରସୁଗୁଡା ବାସିନ୍ଦା ନୁହନ୍ତି ।
ତେଣୁ ସାଧାରଣ ଜନତା କଂଗ୍ରେସକୁ ଭୋଟ ଦେବାକୁ ପସନ୍ଦ କରିବେ । ବିଜେଡି ସର୍ବଦା ଧନବଳ, ବାହୁବଳ, ସରକାରୀ କଳ ଲଗେଇ ନିର୍ବାଚନରେ ବିଜୟ ପାଇଁ ଚେଷ୍ଟା କରନ୍ତି । ମନ୍ତ୍ରୀ ନବ ଦାସଙ୍କ ହତ୍ୟା ହେଲା, ଜଣେ ୧୫ ବର୍ଷୀୟ ଯୁବକଙ୍କୁ ହତ୍ୟା କରାଗଲା । ଏହା ଫଳରେ ଝାରସୁଗୁଡା ଅଶାନ୍ତ ହୋଇଯାଇଛି । କଂଗ୍ରେସ ଦଳ ବିଜୟୀ ହେଲେ ହିଁ ଝାରସୁଗୁଡାରେ ଶାନ୍ତି ଫେରି ପାରିବ ।