ମୁମ୍ବାଇ(ବଡ଼ ଖବର ବ୍ୟୁରୋ): ଫୋନପେ ଏବେ ୫୦ ଟଙ୍କାରୁ ଅଧିକ ମୂଲ୍ୟର ରିଚାର୍ଜ ଉପରେ ଶୁଳ୍କ ଲଗାଇବା ଆରମ୍ଭ କରିଦେଇଛି । ଫୋନପେ ୫୦ ଟଙ୍କାରୁ ଅଧିକ ରିଚାର୍ଜ କଲେ କାରାବାର ଫି ଭାବେ ୨ ଟଙ୍କା ପର୍ଯ୍ୟନ୍ତ ଟଙ୍କା ଗଣିବାକୁ ପଡ଼ିବ । ସୂଚାନାନୁସାରେ,ଜଣେ ମୁଖପାତ୍ର କହିଛନ୍ତି ଯେ ରିଚାର୍ଜ ଶୁଳ୍କ ଭାବରେ ୫୦ ଟଙ୍କା ମଧ୍ୟରେ କାରାବାର ପାଇଁ ୧ ଟଙ୍କା ଏବଂ ୧୦୦ଟଙ୍କା ମଧ୍ୟରେ କାରାବାର ପାଇଁ ୨ଟଙ୍କା ପର୍ଯ୍ୟନ୍ତ ରହିଛି । ଫୋନପେ ବର୍ତ୍ତମାନ ୟୁପାଇ ପ୍ଲାଟଫର୍ମରେ ଅଗ୍ରଣୀ ଭୂମିକା ଗ୍ରହଣ କରିଛି,ଡିଜିଟାଲ୍ ପେମେଣ୍ଟ ହିସାବରେ ଏହା ଏବେ ଦେଶର ଗଳିକନ୍ଦିରେ ପରିଚିତ ।
ଫୋନପେ ହେଉଛି ଦେଶର ପ୍ରଥମ ଡିଜିଟାଲ୍ ପେମେଣ୍ଟ ଆପ୍, ଯାହା ୟୁପିଆଇ କାରାବାର ଉପରେ ଶୁଳ୍କ ଲାଗୁ କରିଛି, ମାତ୍ର ପୂର୍ବରୁ ଏହି ସେବା ଶୁକ୍କ ମୁକ୍ତ ରହିଥିଲା । କିନ୍ତୁ ପୋନପେ ପକ୍ଷରୁ କରାବାର ଉପରେ ଶୁଳ୍କ ଲଗାଯାଇଛି । ତେବେ ବର୍ତ୍ତମାନ ସୁଧା ଅନ୍ୟ କୌଣସି କଂପାନୀଗୁଡ଼ିକ ରିଚାର୍ଜ ସେବା ଉପରେ ଶୁଳ୍କ ଲଗାଇ ନାହାନ୍ତି ।
