ସୋର (ବଡ଼ ଖବର ବ୍ୟୁରୋ): ରାସ୍ତାରେ ଛିଡ଼ା ହୋଇଥିଲେ ନାବାଳକ । ଅଚାନକ ଆସି ଧକ୍କା ଦେଲା ପିକଅପ ଭ୍ୟାନ । ଘଟଣାସ୍ଥଳରେ ଚାଲିଯାଇଛି ନାବାଳକଙ୍କ ଜୀବନ । ବାଲେଶ୍ୱର ଜିଲ୍ଲା ଔପଦା ବ୍ଲକ ଇଶ୍ୱରପୁର ଭିମେଇ ଗାଁରୁ ଆସିଛି ଏଭଳି ଦୁଃଖଦ ଖବର । ଭିମେଇ ଗାଁର ଦିବାକର ମଲ୍ଲିକଙ୍କ ପୁଅ ବିବେକ ରାସ୍ତା କଡରେ ତାଙ୍କ କାକାଙ୍କା ସହ ଠିଆ ହୋଇଥିବା ଦ୍ରୃତ ଗତିରେ ଆସୁଥିବା ପିକଅପ ଧକ୍କା ଦେଇଥିଲା । ଘଟଣାସ୍ଥଳରେ ହିଁ ବିବେକଙ୍କ ମୃତ୍ୟୁ ହୋଇଛି । ଖବର ପାଇ ଇଶ୍ୱରପୁର ଫାଣ୍ଡି ପୋଲିସ ମୃତଦେହକୁ ଉଦ୍ଧାର ବ୍ୟବଚ୍ଛେଦ ଲାଗି ପଠାଇ ଦେଇଛି । ସ୍ଥାନୀୟ ଲୋକେ ପିକଅପ ଭ୍ୟାନକୁ କାବୁ କରି ନେଇଥିଲେ । ପରେ ପୋଲିସ ଜିମା ଦେଇଛନ୍ତି । ମୃତକଙ୍କ ପରିବାରକୁ କ୍ଷତି ପୂରଣ ଦେବା ଲାଗି ଦାବି କରିଛନ୍ତି ସ୍ଥାନୀୟ ଲୋକେ ।
