ବିଧାନସଭା ଆଗରେ ଧାରଣା ଦେବେ ପିହୁର ମାଆ
ଯାଜପୁର (ବଡ଼ ଖବର ବ୍ୟୁରୋ): ବିଞ୍ଝାରପୁର ଥାନା ମଧୁସୁଦନ ପୁର ଗ୍ରାମର ଶିଶୁ କନ୍ୟା ପିହୁ ନିଖୋଜ ମାମଲାରେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ପିହୁର ମାଆ । ଝିଅ ନିଖୋଜର ଏକ ବର୍ଷ ପରେ ବି ପୋଲିସ ହାତ ଶୂନ । ଝିଅକୁ ଫେରାଇ ଆଣିବା ଲାଗି ମୁଖ୍ୟମନ୍ତ୍ରୀଙ୍କୁ ଅବଗତ କରିବା ଓ ଘଟଣାର ସିବିଆଇ ତଦନ୍ତ କରିବାକୁ ସେ ବିଧାନସଭା ଆଗରେ ଧାରଣା ଦେବେ । ତାଙ୍କୁ ଯେପରି ପୋଲିସ ହଇରାଣ ନକରିବେ ସେଥିଲାଗି ଲିଖିତ ଦାବିପତ୍ର ଦେଇଛନ୍ତି ।
ଗତ ୨୦୨୦ ଅଗଷ୍ଟ ୯ ତରିଖରେ ଗାଁ ଦାଣ୍ଡରେ ଖେଳୁଥିବା ସମୟରେ ପିହୁ ହଠାତ ନିଖୋଜ ହୋଇଯାଇଥିଲା । ରାଜ୍ୟ ପୁଲିସ ବିଭାଗ ପକ୍ଷରୁ ତାଙ୍କ ସହ କୈାଣସି ଯୋଗାଯୋଗ କରାଯାଇନଥିବା ପିହୁର ମାଆ ମୋନାଲିସା ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି, ଓଡିଶା ପୋଲିସ ନୁହେଁ ସିବିଆଇ ତଦନ୍ତ ହେଲେ ତାଙ୍କ ଝିଅ ମିଳିପାରିବ ବୋଲି ଦାବି କରିଛନ୍ତି । ସେପଟେ ଏହା ପୋଲିସ ବିଭାଗର ମାମଲା ହୋଇଥିବାରୁ ଜିଲ୍ଲାପାଳଙ୍କ କୈାଣସି ପ୍ରତିକ୍ରିୟା ଦେବାକୁ ମନା କରିଛନ୍ତି ।