ବର୍ଷା ଘଡଘଡିରେ ଜଣେ ମୃତ ଜଣେ ଗୁରୁତର

ଆସ୍କା(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଆସିକା ବ୍ଲକ ଗହଙ୍ଗୁ ଗ୍ରାମରେ ବିଜୁଳି ଘଡଘଡିରେ ଜଣେ ମୃତ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି। ମୃତ ଜଣକ ହେଲେ ଗହଙ୍ଗୁ ଗ୍ରାମର ସାନୁଜ ପାତ୍ର । ଆଉ ଗୁରୁତର ଜଣକ ହେଲେ ଫାଫଲପୁର ଗ୍ରାମର ସୁମା ନାୟକ ।

ସକାଳ ୧୦.୩୦ ମିନିଟ ସମୟରେ ଏହି ଘଟଣା ଘଟିଥିଲା । ଘଟଣା ଘଟିବା ପରେ ସେଠାରେ ଉପସ୍ଥିତ ଥିବା ଗ୍ରାମ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ଆସିକା ସବଡିଭିଜନ ମେଡିକାଲକୁ ଆଣିଥିଲେ । ସେଠାରେ କାର୍ଯ୍ୟରତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଗୁରୁତର ସୋମା ନାୟକ ମଧ୍ୟ ବିଜୁଳି ଘଡଘଡିରେ ସଂଜ୍ଞା ହୀନ ଅବସ୍ଥାରେ ରହିଛି । ଉଭୟେ ନିଜ ନିଜ ବିଲରେ ଧାନ ରୁଆ କାମ କରୁଥିଲେ । ଏହି ପ୍ରକାଶ ପରେ ଗ୍ରାମରେ ଶୋକାକୁଳ ପରିଵେଶ ସୃଷ୍ଟି ହୋଇଛି । ଲଘୁଚାପ ଜନିତ ବର୍ଷା ଯୋଗୁଁ ଚାରି ଆଡେ ବର୍ଷା ଲାଗି ରହିଥିବା ବେଳେ ଆସିକାରେ ମଧ୍ୟ ପ୍ରବଳ ବର୍ଷା ସାଙ୍ଗକୁ ଘଡଘଡି ମାରିଥିଲା ।