୧୯ରେ ଆସିବେ ମୋଦି, ୨୦ରେ ପୁରୀରେ ରୋଡ଼ ସୋ’

ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶାକୁ ପ୍ରଧାନମନ୍ତ୍ରୀଙ୍କ ଘନଘନ ଗସ୍ତ । ୧୯ ସନ୍ଧ୍ୟାରେ ପୁଣି ଥରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିମାନବନ୍ଦରରୁ ବିଜେପି ପାର୍ଟି ଅଫିସକୁ ଯିବେ । ସନ୍ଧ୍ୟା ୭ଟାରେ ବରିଷ୍ଠ ବିଜେପି ନେତା ଓ କର୍ମକର୍ତ୍ତାଙ୍କ ସହ ରହିଛି ସମୀକ୍ଷା ବୈଠକ । ୨୦ ସକାଳେ ପ୍ରଧାନମନ୍ତ୍ରୀ ପ୍ରଭୁ ଶ୍ରୀ ଜଗନ୍ନାଥଙ୍କୁ ଦର୍ଶନ କରିବେ । ଏହାପରେ ବଡ଼ ଦାଣ୍ଡରେ ତାଙ୍କର ରୋଡ ସୋ’ ରହିଛି । ରୋଡ ସୋ’ ସରିବା ପରେ ଅନୁଗୁଳ ଓ କଟରେ ମୋଦିଙ୍କ ରହିଛି ଜନସଭା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେ’ ୬ରେ ଓଡ଼ିଶାକୁ ଆସି ବଜାଇଥିଲେ ନିର୍ବାଚନୀ ବିଗୁଲ । ଗୋଟିଏ ଦିନରେ ବ୍ରହ୍ମପୁର ଓ ନବରଙ୍ଗପୁରରେ ମାରାଥର ପ୍ରଚାର କରିଥିଲେ । ସେହିଦିନ କହିଥିଲେ ଯେ ଓଡ଼ିଶାରେ ବିଜେପି ସରକାର କରିବ । ଜୁଲ ୪ ତାରିଖରେ ଫଳାଫଳ ଆସିବ । ୬ରେ ବିଜେପି ଜଣେ ଓଡ଼ିଆଙ୍କୁ ମୁଖ୍ୟମନ୍ତ୍ରୀ ଭାବେ ଚୟନ କରିବ । ୧୦ରେ ସେ ଶପଥ ନେବେ କହିଥିଲେ ମୋଦି । ଏହାପରେ ମେ’ ୧୦ ପୁଣି ଥରେ ଓଡ଼ିଶାକୁ ଆସିଥିଲେ ମୋଦି । କନ୍ଧମାଳ, ବଲାଙ୍ଗୀର, ବରଗଡ଼ରେ ଜନସଭା ମାଧ୍ୟମରେ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।