ଜଗତସିଂହପୁର(ବଡ଼ ଖବର ବ୍ୟୁରୋ): ସମ୍ଭାବ୍ୟ ବାତ୍ୟା ‘ୟାଶ’କୁ ନେଇ ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ପ୍ରଶାସନ ପକ୍ଷରୁ ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି । । ଏନେଇ ବିଡ଼ିଓ ରଶ୍ମିରେଖା ମଲ୍ଲିକ ସୁଚନା ଦେଇଛନ୍ତି । ତେବେ ସାଧାରଣ ଲୋକଙ୍କ ମନରେ ଭୟ ଓ ଆଶଙ୍କା ସୃଷ୍ଟି ହୋଇଥିଲା ବେଳେ ବ୍ଲକ ପ୍ରଶାସନ କୋଭିଡ୍ ନିୟମ ଅନୁଯାୟୀ ସତର୍କ ରହିବାକୁ ଅନୁରୋଧ କରିଛନ୍ତି । ଏହାଛଡା ବ୍ଲକ ସମସ୍ତ କର୍ମଚାରୀ ଓ ସମସ୍ତ ପଞ୍ଚାୟତର ସରପଞ୍ଚ ମାନଙ୍କୁ ନେଇ ବୈଠକ କରାଯାଇ ବିଭିନ୍ନ କାର୍ୟ୍ୟ ପାଇଁ ଆଲୋଚନା କରାଯାଇଛି ।
ବାତ୍ୟା ଆଶ୍ରୟସ୍ଥଳୀକୁ ପ୍ରସ୍ତୁତ କରିବା ସହ ବିଦ୍ୟାଳୟକୁ ନୋଡାଲ କେନ୍ଦ୍ର ଭାବେ ଚିହ୍ନଟ କରାଯାଇ ସମସ୍ତ ପ୍ରକାର ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି । ବାତ୍ୟାରେ ପ୍ରଭାବିତ ସ୍ଥାନାନ୍ତରିତ କରିବା ସହ ଉଦ୍ଧାର କାର୍ୟ୍ୟ ଓ ରିଲିଫ ପ୍ରଦାନ ପାଇଁ ବ୍ୟାପକ ପ୍ରସ୍ତୁତି ଶେଷ ପର୍ୟ୍ୟାୟରେ ପହଁଚିଛି । ଏହାଛଡ଼ା ପାନୀୟଜଳ, ଆଲୋକ, ପରିମଳ ଓ ସ୍ୱାସ୍ଥ୍ୟସେବା ପ୍ରତି ବିଶେଷ ଧ୍ୟାନ ଦିଆଯାଇଛି। ଏପଟେ ନାଉଗାଁରେ ମଧ୍ୟ ୟାଶର ପ୍ରଭାବ ଆରମ୍ଭ ହୋଇଗଲାଣି ବର୍ଷା ସହ ଧିରେ ଧିରେ ପବନ ବହିବା ମଧ୍ୟ ଲାଗି ରହିଛି।
