https://youtu.be/h6T5pSTJRms
ପୁରୀ(ବଡ଼ ଖବର ବ୍ୟୁରୋ): ଆଜିଠୁ ଆରମ୍ଭ ହୋଇଛି ନାଟମଣ୍ଡପ ମରାମତି କାମ । ସେପଟେ ହାଇକୋର୍ଟଙ୍କ ନିର୍ଦ୍ଦେଶକୁ ଉଲ୍ଲଙ୍ଘନ କରାଯାଇଥିବା ଅଭିଯୋଗ କରିଛନ୍ତି ପିଟିସନର ଅଭିଷେକ ଦାସ । ଅଭିଯୋଗ କରିବା ସହ ଶ୍ରୀମନ୍ଦିର ସାମ୍ନାରେ ଧାରଣାରେ ବସିଥିଲେ ଅଭିଷେକ । ସେ କହିଛନ୍ତି ନାଟମଣ୍ଡପ ମରାମତି ନେଇ ହାଇକୋର୍ଟରେ ୨୦୧୬ରୁ ପିଟିସନ ଦାଖଲ କରିଛନ୍ତି। ଦୀର୍ଘ ୭ବର୍ଷ ହେଲା ଶ୍ରୀମନ୍ଦିର ପ୍ରଶାସନ ଓ ଏଏସଆଇ ବିଭିନ୍ନ ଆଳ ଦେଖାଇ ମରାମତି କାର୍ଯ୍ୟକୁ ବିଳମ୍ବ କରିଚାଲିଛନ୍ତି। କେତେବେଳେ କହୁଛନ୍ତି ମାଡ୍ରାସ ଆଇଆଇଟି ପ୍ଲାନ ଦେବ ତ ଆଉ କେତେବେଳେ ଦର୍ଶନ ସମସ୍ୟା ଆଳ ଦେଖାଉଛି। ଗତକାଲି ଠାରୁ ମରାମତି କାମ ଆରମ୍ଭ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ କିନ୍ତୁ କାମ ଆରମ୍ଭ ହୋଇନଥିଲା । ଯେଉଁଥିପାଇଁ ସିଂହଦ୍ଵାର ଥାନାରେ ଶ୍ରୀମନ୍ଦିର ପ୍ରଶାସନ ଓ ଏଏସଆଇ ବିରୁଦ୍ଧରେ ଏତଲା ଦେବା ସହ ଧାରଣାରେ ବସିଥିଲେ ଅଭିଷେକ ।
