ବ୍ଲକ ସାମ୍ନାରେ ମହିଳାଙ୍କ ଧାରଣା

ବଡ଼ଚଣା (ବଡ଼ ଖବର ବ୍ୟୁରୋ): ଦୁର୍ନୀତିର ଚରମସୀମାରେ ବଡ଼ଚଣା ବ୍ଲକ। ପଞ୍ଚାୟତ ସ୍ତରୀୟ MBK,CRP,BANK MITRA ବିଜ୍ଞାପନକୁ ରଦ୍ଦ କରିବା ପାଇଁ ଯାଜପୁର ଜିଲ୍ଲା ବଡ଼ଚଣା ବ୍ଲକ ସମ୍ମୁଖରେ ଏକାଧିକ ମହିଳା ଧାରଣା ଦେଇଛନ୍ତି । ନିଯୁକ୍ତିରେ ସ୍ୱଚ୍ଛତା ଆଣିବା ପାଇଁ ଦାବି କରିବା ସହ ଦଳୀୟ ଭିତ୍ତିକ ନିଯୁକ୍ତିକୁ ନେଇ ମହିଳା ମାନେ ତୀବ୍ର ପ୍ରତିବାଦ କରି ବ୍ଲକ ପ୍ରଶାସନ ନିକଟରେ ଦାବି ଜଣାଇଥିଲେ।

ବଡ଼ଚଣା ମଣ୍ଡଳ ଅଧିକାରୀ ଏ ବିଷୟରେ ତଦନ୍ତ କରିବେ ଏବଂ ପ୍ରକୁତ ଯୋଗ୍ୟ ପ୍ରାର୍ଥୀଙ୍କୁ ଚୟନ କରିବେ ବୋଲି ପ୍ରତିଶୃତି ଦେବା ପରେ ମହିଳା ମାନେ ଧାରଣାରୁ ଉଠିଥିଲେ । ବଡ଼ଚଣା ବ୍ଲକର ପ୍ରତ୍ୟେକ ପଂଚାୟତରୁ ଏକାଠି ଆସି ପ୍ରତିବାଦ ଜଣାଇଥିଲେ ।ଆଗାମୀ ଦିନରେ ଯଦି ଯୋଗ୍ୟ ପ୍ରାର୍ଥୀ ଚୟନ ନ ହୁଏ, ତେବେ ବ୍ଲକ ଘେରାଉ କରିବେ ବୋଲି ଚେତାବନୀ ଦେଇଥିଲେ । ଏହି ପ୍ରତିବାଦ ସଭାରେ ରାଜ୍ୟ ବିଜେପି ସମ୍ପାଦିକା ଦେବଯାନୀ ପ୍ରଧାନ ଯୋଗ ଦେଇଥିଲେ।