ପୁରୀର ଇନ୍ଦ୍ରଦୁମ୍ନ ପୋଖରୀରୁ ଠାବ ହେଲା ସୁଡ଼ଙ୍ଗ ସଦୃଶ ନଳା

ପୁରୀ (ବଡ଼ ଖବର ବ୍ୟୁରୋ): ପୁରୀର ଇନ୍ଦ୍ରଦ୍ୟୁମ୍ନ ପୁଷ୍କରିଣୀରୁ ସୁଡ଼ଙ୍ଗ ଠାବ । ପୁରୀର ପଞ୍ଚତୀର୍ଥ ପୁଷ୍କରିଣୀ ମଧ୍ୟରୁ ଇନ୍ଦ୍ରଦ୍ୟୁମ୍ନ ପୁଷ୍କରିଣୀ ଅନ୍ୟତମ । ଏହି ପୁଷ୍କରିଣୀରୁ ସୁଡ଼ଙ୍ଗ ସଦୃଶ ନଳା ଠାବ ହୋଇଛି। ଅନେକ ଏହାକୁ ପୁରାତନ ସୁଡ଼ଙ୍ଗ କହି ଚର୍ଚ୍ଚା କରୁଥିବା ବେଳେ ସ୍ଥାନୀୟ ବାସିନ୍ଦା ଓ ବୁଦ୍ଧିଜୀବୀ ମାନେ ଏହାକୁ କିନ୍ତୁ ନଳା ବୋଲି କହିଛନ୍ତି । ସୁଡ଼ଙ୍ଗ ସଦୃଶ ନଳାଟି ପ୍ରାୟ ୩୦ ମିଟର ପର୍ଯ୍ୟନ୍ତ ଲମ୍ବିଥିବା କହିଛନ୍ତି ସ୍ଥାନୀୟ ବାସିନ୍ଦା । ଠାବ ହୋଇଥିବା ସୁଡ଼ଙ୍ଗ ସଦୃଶ ନଳାର ଶେଷ ପର୍ଯ୍ୟନ୍ତ ମାଟି ବାହାର କଲେ ଅନେକ ଐତିହ୍ୟ ବିଷୟରେ ଜାଣିହେବ ବୋଲି ବୁଦ୍ଧିଜୀବୀ ମାନେ କହିଛନ୍ତି । ତେବେ ଶ୍ରୀକ୍ଷେତ୍ରରେ ବିଭିନ୍ନ ପୁଷ୍କରିଣୀର ଜଳ ନିଷ୍କାସନ ପାଇଁ ପୂର୍ବରୁ ମୂଷା ନଇକୁ ସଂଯୋଗିକରଣ ନାଳ ସବୁ କରାଯାଇଥିଲା ଓ ଏହା ସେହି ନାଳ ବୋଲି କହିଛନ୍ତି ବୁଦ୍ଧିଜୀବୀ ହରିଶଙ୍କର ମିଶ୍ର ।