https://youtu.be/IwMVN8NEpeI
ପୁରୀ (ବଡ଼ ଖବର ବ୍ୟୁରୋ): ବର୍ଷ ସରିବ ଇଂରାଜୀ କ୍ୟାଲେଣ୍ଡର ଓଲଟିବ । ସାରା ବିଶ୍ୱ ସେଲିବ୍ରେସନ କରିବ ଇଂରାଜୀ ନୂଆବର୍ଷ ସହ ଓଡ଼ିଆ ନୂଆ ବର୍ଷର କୌଣସି ସମ୍ପର୍କ ନାହିଁ । ଶ୍ରୀମନ୍ଦିର ନୀତି ଅନୁସାରେ ମହାବିଷୁବ ସଂକ୍ରାନ୍ତିରେ ଓଡ଼ିଆଙ୍କ ନୂଆବର୍ଷ ଆସେ । କିନ୍ତୁ ଇଂରାଜୀ ନୂଆବର୍ଷରେ କୋଟି ଓଡ଼ିଆଙ୍କ ହୃଦୟର ଠାକୁର କାଳିଆ ସାଆନ୍ତଙ୍କୁ ହେବାକୁ ହେବ ହନ୍ତସନ୍ତ । ବର୍ଷ ସରିବ, ଜିରୋ ଆୱାରରେ ଅନିଦ୍ରା ହେବେ ଚତୁର୍ଦ୍ଧାମୂର୍ତ୍ତି । ଗଲା କିଛି ବର୍ଷ ଧରି ଶ୍ରୀମନ୍ଦିରରେ ନୂଆ ପରମ୍ପରା ଚାଲିଛି ଯାହା ଆଗରୁ ନଥିଲା । ଭକ୍ତଙ୍କ ପାଇଁ ଅନିଦ୍ରା ରହୁଛନ୍ତି ଚତୁର୍ଦ୍ଧାମୂର୍ତ୍ତି । ନୂଆବର୍ଷ ପାଇଁ ଡିସେମ୍ବର ୩୧ ତାରିଖରେ ଆବଶ୍ୟକ ପଡିଲେ ରାତ୍ର ପହୁଡ଼ ହେବନାହିଁ ।
ରବିବାର ପଡୁଥିବାରୁ ଭିଡକୁ ଦୃଷ୍ଟିରେ ରଖି ୩୧ ତାରିଖ ସକାଳୁ ୧ତାରିଖ ରାତି ପର୍ଯ୍ୟନ୍ତ ମହାପ୍ରଭୁଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ । ଏନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ ଦାସ । ଏହାପୂର୍ବରୁ କାର୍ତ୍ତିକ ପୂର୍ଣ୍ଣିମାରେ ମଧ୍ୟ ମହାପ୍ରଭୁଙ୍କର ରାତ୍ର ପହୁଡ଼ ହୋଇନଥିଲା । ଭକ୍ତଙ୍କ ଭିଡକୁ ନଜରରେ ରଖି ଶୃଙ୍ଖଳିତ ଦର୍ଶନ ପାଇଁ ଏବଳି ନିଷ୍ପତ୍ତି ନେଇଛି ଶ୍ରୀମନ୍ଦିର ପ୍ରଶାସନ । ସେହିପରି ଡିସେମ୍ବର ଓ୧୬ରୁ ଆରମ୍ଭ ହେବ ପହିଲି ଭୋଗ । ଧନୁ ସଂକ୍ରାନ୍ତିଠାରୁ ମକର ସଂକ୍ରାନ୍ତି ପର୍ଯ୍ୟନ୍ତ ପ୍ରାୟେ ମାସେ ଧରି ଚାଲିବ ଏହି ନୀତି । ସେହିଭଳି ନୂଆବର୍ଷ ଠାରୁ ମନ୍ଦିର ଭିତରେ ପାନ, ଗୁଟଖା ବାରଣ ସହ ଶାଳିନତାପୂର୍ଣ୍ଣ ପୋଷାକ ପିନ୍ଧିବା ନିୟମକୁ କଡାକଡି ପାଳନ କରାଯାଇଛି । ଏବଂ ଉତ୍ତର ଦ୍ୱାରରେ ଦିବ୍ୟାଙ୍ଗ ଭକ୍ତଙ୍କ ଦର୍ଶନ ନିମନ୍ତେ ର୍ୟାମ୍ପ ବ୍ୟବସ୍ଥା ହେବ ।
