ଗଣତନ୍ତ୍ର ଦିବସରେ ଚମକିବ ରାଫେଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗଣତନ୍ତ୍ର ଦିବସ ପରେଡରେ ତାକତ ଦେଖାଇବ ରାଫେଲ । ଏହି ଦିନ ରାଜଧାନୀ ରାଜପଥରେ ଚମକିବ ରାଫେଲ । ‘ଭର୍ଟିକାଲ ଚାର୍ଲି ଫର୍ମେସନ’ ଫ୍ଲାଇପ୍ୟାଷ୍ଟରେ ରାଫେଲ ପ୍ରଦର୍ଶନ ଶେଷ ହେବ, ଯାହା ଭାରତୀୟ ବାୟୁସେନା ପକ୍ଷରୁ ସୂଚନା ମିଳିଛି । ମୋଟ ୪୨ଟି ବିମାନ ଏହି ପରେଡରେ ସାମିଲ ହେବାକୁ ଥିବାବେଳେ ଏହା ମଧ୍ୟରେ ରହିଛି ୧୫ଟି ଫାଇଟର ବିମାନ, ୧୭ଟି ହେଲିକପ୍ଟର, ୫ଟି ବିମାନବାହୀ ବିମାନ ।
ରାଫେଲ ବ୍ୟତୀତ ଭାରତୀୟ ବାୟୁସେନାର ପ୍ରଥମ ମହିଳା ଯୁଦ୍ଧ ବିମାନ ପାଇଲଟ ଫ୍ଲାଇଟ ଲେଫ୍ଟନାଣ୍ଟଭାବନା କାଣ୍ଟ ମଧ୍ୟ ଏହି ପ୍ୟାରେଡ଼ରେ ଅଂଶଗ୍ରହଣ କରିବେ । ଭାବନା କାଣ୍ଟ ଗତ ବର୍ଷ ବାୟୁସେନାର ପ୍ରଥମ ପାଇଲଟ ଭାବେ ଯୋଗ ଦେଇଥିବାରୁ ରାଷ୍ଟ୍ରପତି ତାଙ୍କୁ ନାରୀ ଶକ୍ତି ପୁରସ୍କାର ପ୍ରଦାନ କରିଥିଲେ । ଏଥର ବି ସେ ଶକ୍ତିଶାଳୀ ରାଫେଲ ବିମାନର ପ୍ରଥମ ମହିଳା ଭାରତୀୟ ପାଇଲଟ ହେବେ । ତେବେ ଏହା ପୂର୍ବରୁ ଆଜି ଯୋଧପୁରରେ ସେମାନେ ନିଜର ଦମ୍ଭ ଦେଖାଇଛନ୍ତି ।