ମନ୍ କି ବାତ୍ କାର୍ଯ୍ୟକ୍ରମକୁ ରାହୁଲଙ୍କ ସମାଲୋଚନା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀଙ୍କ ମନ୍ କି ବାତ୍ କାର୍ଯ୍ୟକ୍ରମକୁ ସମାଲୋଚନା କଲେ କଂଗ୍ରେସ ନେତା ରାହୁଲ ଗାନ୍ଧୀ । ସେ ଏକ ଟ୍ୱିଟ କରି ମୋଦିଙ୍କ କାର୍ଯ୍ୟକ୍ରମକୁ ସମାଲୋଚନା କରିଛନ୍ତି । ରାହୁଲ ନିଜ ଟ୍ୱିଟରେ ଲେଖିଛନ୍ତି ଯେ, ମାସକୁ ଥରେ ହେଉଥିବା ‘ଅଯଥା କଥା’ବଳରେ ଦେଶ କୋଭିଡ଼-୧୯ ମହାମାରୀକୁ ମୁକାବିଲା କରିପାରିବ ନାହିଁ । କରୋନା ମୁକାବିଲା ପାଇଁ ସୁଚିନ୍ତିତ ଲକ୍ଷ୍ୟ, ନୀତି ଓ ପ୍ରତିବଦ୍ଧତା ଆବଶ୍ୟ ।

ଶୁକ୍ରବାର ଦିନ ମଧ୍ୟ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ସମାଲୋଚନା କରିଥିଲେ । ସେ ଲେଖିଥିଲେ ଦୁର୍ବଳ ଟିକା ନୀତି କାରଣରୁ ଦେଶରେ ଦ୍ୱିତୀୟ ଲହର ଘଟିଲା । ଏହାଛଡ଼ା ସେ ଆହୁରି ମଧ୍ୟ ଲେଖିଥିଲେ ଯେ, କରୋନାରେ ମୃତ୍ୟୁବରଣ କରୁଥିବା ଲୋକଙ୍କ ରିପୋର୍ଟକୁ ମଧ୍ୟ କେନ୍ଦ୍ର ସରକାର ଠିକ ଭାବରେ ଦର୍ଶାଉ ନାହାନ୍ତି । ସଠିକ ଭାବେ କାର୍ଯ୍ୟ ନ କଲେ ଦେଶକୁ ଏପରି ଆହୁରି ଅନେକ ପ୍ରବାହର ସମ୍ମୁଖୀନ ହେବାକୁ ପଡ଼ିବ ।