୨୦୨୪ରେ ଆମେଥିରୁ ନିର୍ବାଚନ ଲଢ଼ିବେ ରାହୁଲ

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ):୨୦୨୪ ସାଧାରଣ ନିର୍ବାଚନ । ଏଥର ବି ଆମେଥିରେ ହେବ ଜୋରଦାର ଲଢେଇ । ପୁଣି ଆମେଥିରୁ ନିର୍ବାଚନ ଲଢିବେ ରାହୁଲ ଗାନ୍ଧି । ୨୦୧୯ରେ ଆମେଥିରେ ରାହୁଲଙ୍କୁ ହରାଇଛନ୍ତି ସ୍ମୃତି ଇରାନୀ । ଏଥର କିନ୍ତୁ ରାହୁଲଙ୍କ ପଲ୍ଲା ଭାରି ରହିବ ବୋଲି ଚର୍ଚ୍ଚା ହେଉଛି । ଉତ୍ତର ପ୍ରଦେଶ କଂଗ୍ରେସ କମିଟିର ନବନିଯୁକ୍ତ ଅଧ୍ୟକ୍ଷ ଦାୟିତ୍ବ ମିଳିବା ପରେ ଅଜୟ ରାୟ ଏହି ସୂଚନା ଦେଇଛନ୍ତି । ରାହୁଲ ଆମେଥିରୁ ଲଢିବା ନେଇ ସ୍ପଷ୍ଟ କରିଥିବା ବେଳେ ପି୍ରୟଙ୍କା ଯେଉଁଠୁ କହିବେ ତାଙ୍କୁ ସମର୍ଥନ ଦିଆଯିବ ବୋଲି କହିଛନ୍ତି ଅଜୟ ।

ତେବେ ବାରାଣାସୀରୁ ମୋଦିଙ୍କ ବିପକ୍ଷରେ ପି୍ରୟଙ୍କା ଗାନ୍ଧି ଭଦ୍ରା ଲଢିପାରନ୍ତି ବୋଲି ଚର୍ଚ୍ଚା ହେଉଛି । ଏଥର ବାରାଣାସୀ ଦେଖିବ ହାଇଭୋଲଟେଜ ଫାଇଟ । ୨୦୧୪, ୨୦୧୯ରେ ବାରାଣସୀର ସାଂସଦ ରହି ଆସିଛନ୍ତି ନରେନ୍ଦ୍ର ମୋଦି । ଯଦି ଚଳିତ ଥର ପି୍ରୟଙ୍କା ଏଠାରୁ ନିର୍ବାଚନ ଲଢନ୍ତି ତେବେ ଲଢେଇ ଜୋରଦାର ହେବ । କଂଗ୍ରେସ ସମ୍ପୂର୍ଣ୍ଣ ବଳ ଗୋଟାଉଛି ବିଜେପି ଏବଂ ନରେନ୍ଦ୍ର ମୋଦିଙ୍କ ବିରୋଧରେ ଲଢିବା ପାଇଁ । ଏବେ ପୁଣି ଚନ୍ଦୌଲୀରୁ ଗାଜିଆବାଦ ପର୍ୟ୍ୟନ୍ତ ଲଢେଇ ଜାରି ରହିବ ।