ପୁଣି ମୋଦିଙ୍କ ଉପରେ ବର୍ଷିଲେ ରାହୁଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୁଣି ଆମେରିକାରେ ବିଜେପି ଉପରେ ବର୍ଷିଲେ କଂଗ୍ରେସ ନେତା ରାହୁଲ ଗାନ୍ଧୀ । ମଙ୍ଗଳବାର ଆମେରିକାରେ ପହଞ୍ଚବା ପରେ ରାହୁଲ ଗାନ୍ଧୀ ସାନ ଫ୍ରାନ୍ସିସ୍କୋରେ ଭାରତୀୟ ମୂଳ ଲୋକଙ୍କୁ ଭେଟି ସେମାନଙ୍କୁ ସମ୍ବୋଧିତ କରିଛନ୍ତି। ଏ ସମୟରେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ଦେଶରେ କିଛି ଲୋକ ଅଛନ୍ତି ଯେଉଁମାନେ ଭାବନ୍ତି ସେମାନେ ସବୁକିଛି ଜାଣନ୍ତି, ଭଗବାନଙ୍କଠାରୁ ମଧ୍ୟ ଅଧିକ ଜାଣନ୍ତି।
ମୁଁ ଭାବୁଛି ଆମ ଦେଶର ପ୍ରଧାନମନ୍ତ୍ରୀ ସମସ୍ତଙ୍କ ମଧ୍ୟରୁ ଅନ୍ୟତମ। ଯଦି ମୋଦିଜିଙ୍କୁ ଭଗବାନଙ୍କ ସହ ବସାଯାଏ, ତେବେ ବ୍ରହ୍ମାଣ୍ଡ କିପରି କାର୍ୟ୍ୟ କରେ ସେ ଈଶ୍ବରଙ୍କୁ ବୁଝାଇବା ଆରମ୍ଭ କରିଦେବେ। ସେପଟେ ରାହୁଲ ତାଙ୍କର ଭାରତ ଯୋଡୋ ଯାତ୍ରା ବିଷୟରେ ଉଲ୍ଲେଖ କରି ଦେଶର ରାଜନୀତି ବିଷୟରେ କହିଥିଲେ ଏବଂ ଭାରତୀୟ ଜନତା ପାର୍ଟି ସହିତ ଆରଏସଏସ ଉପରେ ବର୍ଷିଥିଲେ।