ଭାସିଗଲା କଲଭର୍ଟ
ସୋରଡ଼ା, (ବଡ଼ ଖବର ବ୍ୟୁରୋ): ଲଗାଣ ବର୍ଷାରେ ବେହାଲ ଗଞ୍ଜାମ । ଜିଲ୍ଲାର ବିଭିନ୍ନ ନଦୀରେ ବନ୍ୟା ଅସିବାରୁ ଅନେକ ଅଞ୍ଚଳ ଏବେ ବାହ୍ୟଜଗତରୁ ବିଚ୍ଛିନ୍ନ । ତିତିଲି ସମୟରେ ବରଗଡ଼ଠାରେ ଜରଉ ନଦୀ ଉପରେ ଥିବା ପୋଲଟି ଭାଙ୍ଗି ଯାଇଥିଲା । ସେଠାରେ ଏବେ ତିଆରି ଚାଲିଛି ନୂତନ ପୋଲ । ଯାତାୟତ ପାଇଁ ସେଠାରେ ଥିବା ଅସ୍ଥାୟୀ କଲଭର୍ଟ ଭାସିଯାଇଛି । ଜରଉ ନଦୀର ଉଛୁଳା ପାଣିରେ ଆଜି କଲର୍ଭଟ ଧୋଇଯିବା ଫଳରେ ବାହ୍ୟ ଜଗତରୁ ସମ୍ପୁର୍ଣ୍ଣ ବିଚ୍ଛିନ୍ନ ହୋଇଛି ବରଗଡ । ବରଗଡ଼ରୁ ଶେରଗଡ,ବ୍ରହ୍ମପୁର, ଭଞ୍ଜନଗର ଓ ଭୁବନେଶ୍ୱରକୁ ଯୋଗାଯୋଗ ବିଚ୍ଛିନ୍ନ ହୋଇଛି । ଜିଲ୍ଲାର ଅନେକ ନଦୀରେ ଜଳସ୍ତର ବଢିବାରୁ ଲୋକେ ଆତଙ୍କିତ ହୋଇପଡିଛନ୍ତି । 