ଇସ୍ତଫା ଦେବେ ରଜନୀକାନ୍ତ!
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ଇସ୍ତଫା ଦେଇପାରନ୍ତି ଉପବାଚସ୍ପତି ରଜନୀକାନ୍ତ ସିଂ । ଉପବାଚସ୍ପତି ପଦରୁ ଇସ୍ତଫା ଦେଇ ସଂଗଠନକୁ ଆସିବେ ରଜନୀକାନ୍ତ । ୨୦୨୪ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ନିଜ ଅଂଚଳରେ ଦଳୀୟ ସଂଗଠନକୁ ସୁଦୃଢ କରିବା ପାଇଁ ଇସ୍ତଫା ଦେବେ ବୋଲି ଦଳୀୟ ସୂତ୍ରରୁ ଜଣାପଡିଛି । ପୂର୍ବରୁ ଗଞ୍ଜାମ ଜିଲ୍ଲାରେ ସାଗଠନିକ ସ୍ଥିତିକୁ ମଜଭୁତ କରିବା ପାଇଁ ଇସ୍ତଫା ଦେଇଥିଲେ ବିକ୍ରମ କେଶରୀ ଆରୁଖ । ଢେଙ୍କାନାଳ, ଅନୁଗୁଳ ଜିଲ୍ଲାକୁ ନେଇ ବିଜେଡି ପକ୍ଷରୁ ସ୍ୱତନ୍ତ୍ର ପ୍ଲାନ କରାଯାଇଛି ।
ବିଜେପିକୁ ଟକ୍କର ଦେବାପାଇଁ ଦଳ ଏଠାରେ ନୂଆ ରଣନୀତି ଆପଣାଇଛି । ୨୦୧୯ରେ ଅନୁଗୁଳ ଜିଲ୍ଲାରେ ବିଜେଡି ବଡ ବିଜୟ ହାସଲ କରିଥିଲା ଏବଂ ସକି୍ରୟ ଥିଲେ ରଜନୀକାନ୍ତ ସିଂ । ଏବେ ଢେଙ୍କାନାଳ ଅନୁଗୁଳରେ ବିଜେପି ସକ୍ରିୟ ହେଉଥିବା ଦୃଷ୍ଟିରୁ ରଜନୀକାନ୍ତଙ୍କୁ ସାଂଗଠନିକ ଦାୟିତ୍ୱ ଦେବା ପାଇଁ ଦଳ ଏକପ୍ରକାର ନିଷ୍ପତ୍ତି ନେଇଛି । ତେଣୁ ରଜନୀକାନ୍ତ ଉପବାଚସ୍ପତି ପଦରୁ ଇସ୍ତଫା ଦେଇପାରନ୍ତି । ବାଚସ୍ପତି ପ୍ରମିଳା ମଲ୍ଲିକଙ୍କୁ ଭେଟି ଇସ୍ତପା ପତ୍ର ଦେଇପାରନ୍ତି ।
