ରାଜକନିକା (ବଡ଼ ଖବର ବ୍ୟୁରୋ):ଦେଶ ମାତୃକା ସେବାରେ ଚାଲିଗଲା ଜୀବନ। ରାଜକନିକା ମେଘପୁର ଗାଁର ବିଭୁତିଭୂଷଣ ନାୟକ ଆସାମ ରାଇଫାଲ୍ସର ୪୪ରେଜିମେଣ୍ଟରେ କାର୍ୟ୍ୟରତ ଥିଲେ । ଏକ ଦୁର୍ଘଟଣାର ଶିକାର ହୋଇ ସହିଦ ହୋଇଛନ୍ତି । ଗତକାଲି ତାଙ୍କର ମରଶରୀର ତାଙ୍କ ଜନ୍ମ ମାଟିରେ ପହଁଚିଛି । ଶେଷ ଦର୍ଶନ କରି ସାରିବା ପରେ ମରଶରୀର କୁ ବେବର୍ତ୍ତା ସରୋବର ସହିଦ ବାସୁ-ବିଶୁନି ପୀଠ ନିକଟରେ ରାଷ୍ଟ୍ରୀୟ ମର୍ୟ୍ୟାଦା ସହିତ ଶେଷକୃତ୍ୟ କରାଯାଇଛି। ୧୯୮୮ମସିହା ଜାନୁଆରୀ ୧ରେ ସେ ଆସାମ ରାଇଫାଲରେ ଯୋଗଦେଇଥିଲେ । ନଭେମ୍ବର୨୪ରେ ସର୍ଚ୍ଚ ଅପରେସନ ଲାଗି ପାଟ୍ରୋଲିଂରେ ଯିବାବେଳେ ତାଙ୍କ ଗାଡିଟି ଦୁର୍ଘଟଣାଗ୍ରସ୍ଥ ହୋଇ ଥିଲା । ପାହାଡ଼ ଉପରୁ ତଳକୁ ଖସି ପଡ଼ିଥିଲା ଗାଡ଼ି । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
