ନବୀନ ଓ ବିଜେଡି ନାଁରେ ହିଁ ଭୋଟ: ରାଜକିଶୋର ଦାସ

ଭୁବନେଶ୍ୱର(ବଡ଼ ଖବର ବ୍ୟୁରୋ):  ଦିଲ୍ଲୀରେ ରାଜ୍ୟ ବିଜେପି ଡେରା ପକାଇବାକୁ ନେଇ କଟାକ୍ଷ କରିଛି ରାଜ୍ୟ ବିଜେଡି । ବିଜେଡି ବିଧାୟକ ରାଜକିଶୋର ଦାସ କହିଛନ୍ତି, ଅନ୍ୟ ରାଜ୍ୟରେ ବିଜେପି ସରକାର ହୋଇପାରେ କିନ୍ତୁ ଓଡ଼ିଶାରେ ନୁହେଁ । ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ଆଗରେ କାହାରି ତୁଳନା ନାହିଁ । ଭାରତର ଏକମାତ୍ର ଓ ଆଦର୍ଶ ମୁଖ୍ୟମନ୍ତ୍ରୀ ହେଉଛନ୍ତି ନବୀନ ପଟ୍ଟନାୟକ । ଆଜି ମଧ୍ୟ ଭାରତରେ ଲୋକେ ଯଦି କେଉଁ ରାଜ୍ୟରେ ଖୁସି ଅଛନ୍ତି ତାହା କେବଳ ଓଡ଼ିଶାରେ। ନବୀନ ପଟ୍ଟନାୟକ ପୁଣି ଥରେ ଷଷ୍ଠ ଥର ପାଇଁ ନିର୍ବାଚନ ଜିତିବେ । ଏଥିରେ ତିଳେମାତ୍ର ଅବକାଶ ନାହିଁ ବୋଲି ମୋରଡା ବିଧାୟକ ରାଜକିଶୋର କହିଛନ୍ତି । ଓଡ଼ିଶାରେ ବିରୋଧୀଙ୍କ ଯୋଜନା ଓ ରଣନୀତି ସବୁ ଫେଲ । ଲୋକେ ୫ଥର ଦେଖିଲେଣି ଆଗକୁ ମଧ୍ୟ ଦେଖିବେ । ନବୀନ ଓ ବିଜେଡି ନାରେ ହିଁ ଭୋଟ ବୋଲି ସେ କହିଛନ୍ତି ।