https://youtu.be/G_FL0r6Np7M
ସୋର(ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ଖଇରା ଥାନା ଅଞ୍ଚଳର ଜଣେ ଭିନ୍ନକ୍ଷମ ନାଵାଳିକା ଦୁଷ୍କର୍ମ ମାମଲାରେ ଅଟୋ ଡ୍ରାଇଭରକୁ ଗିରଫ କଲା ଖଇରା ପୋଲିସ । ସ୍କୁଲରୁ ଘରକୁ ଫେରୁଥିବା ବେଳେ କୁପାରୀ ବସଷ୍ଟାଣ୍ଡରୁ ଉଠାଇ ନେଇ ଏକ ନିଛାଟିଆ ଜଙ୍ଗଲରେ ଦୁଷ୍କର୍ମ ପରେ ଫେରାର ହୋଇଯାଇଥିଲା ଅଟୋ ଡ୍ରାଇଭର । ନାବାଳିକା ଜଣଙ୍କ ଏବାବଦରେ ପରିବାର ଲୋକଙ୍କୁ ଜଣାଇବା ପରେ, ପରିବାର ଲୋକେ ଖଇରା ଥାନାରେ ଅଭିଯୋଗ କରିଥିଲେ ।
ଘଟଣା ପରେ ଅଟୋ ଡ୍ରାଇଭର ଫେରାର ହୋଇଯାଇଥିଲା। ଖଇରା ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଦୁଷ୍କର୍ମକାରୀ ଅଟୋ ଡ୍ରାଇଭରକୁ ଧରିବାକୁ ୪ଜଣିଆ ପୋଲିସ ଟିମ ଗଠନ କରାଯାଇଥିଲା । ଅଟୋ ଡ୍ରାଇଭରର ମୋବାଇଲକୁ ଟ୍ରାକ ସେ ବିଶାଖାପାଟଣାରେ ଲୁଚି ରହିଥିବା ଜାଣିବାକୁ ପାଇଥିଲା ଖଇରା ପୋଲିସ । ବିଶାଖାପାଟଣା ପୋଲିସର ସହାୟତାରେ ଚଢ଼ାଉ କରି ଅଟୋ ଡ୍ରାଇଭରକୁ ଗିରଫ କରିଛି ଖଇରା ପୋଲିସ ।
