ହକି ମହାମୁକାବିଲାରେ ମ୍ୟାଚରେ ଭାରତର ବଡ଼ ବିଜୟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ହକି ମହାମୁକାବିଲାରେ ଭାରତକୁ ବୃହତ୍ ବିଜୟ । ମଙ୍ଗଳବାର ଏଫଆଇଏଚ ପ୍ରୋ ଲିଗ ହକିର ୨୦୨୪-୨୫ର ଥିଲା ଶେଷ ଦିନ । ବିଶ୍ୱର ଏକ ନମ୍ବର ଦଳକୁ ନିଜ ମାଟିରେ ଧୂଳି ଚଟାଇ ହକିପ୍ରେମୀଙ୍କ ମନ ଜିଣିଲେ ଉଭୟ ପୁରୁଷ ଓ ମହିଳା ଦଳ । ମହିଳା ହକି ଟିମ ନେଦରଲାଣ୍ଡକୁ ହରାଇଲା ଭାରତ। ସୁଟଆଉଟରେ ନେଦରଲାଣ୍ଡ ଭଳି ଶକ୍ତିଶାଳୀ ଦଳକୁ ପରାସ୍ତ କରିଛି ଭାରତୀୟ ମହିଳା ଟିମ। ମ୍ୟାଚର ପ୍ରଥମ ହାଫରେ ଡ଼ଚ ଟିମ ଡୋମିନେଟ କରିବା ସହ ପ୍ରଥମ ହାଫ ସୁଦ୍ଧା ୨-୦ ଗୋଲରେ ଆଗୁଆ ରହିଥିଲା।

ମ୍ୟାଚର ଦ୍ଵିତୀୟ ହାଫରେ ଭାରତୀୟ ଦଳ କମବ୍ୟାକ କରି ଉଭୟ ଗୋଲ ପରିଶୋଧ କରିବା ସହ ମ୍ୟାଚକୁ ୨-୨ରେ ବରାବର ରଖିଥିଲା। ପରବର୍ତୀ ସମୟରେ ସୁଟ ଆଉଟରେ ଗୋଲକିପର ସବିତା ପୁନିଆଙ୍କ ଭଲ ପ୍ରଦର୍ଶନ ବଳରେ ମ୍ୟାଚକୁ ଜିତି ନେଇଛି ଭାରତ। ପେନାଲ୍ଟି ସୁଟ ଆଉଟରେ ୨-୧ ରେ ଭାରତ ଏହି ମ୍ୟାଚକୁ ଜିତି ଯାଇଛି। ଅନ୍ୟପଟେ ପୁରୁଷ ଦଳ ମଧ୍ୟ ଇଂଲଣ୍ଡକୁ ୨-୧ରେ ପରାସ୍ତ କରିଛି। ଦୁଇଟି ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲେ ଅଧିନାୟକ ହର୍ମନପ୍ରିତ ସିଂ। ଯାହାକୁ ନେଇ ପୁରା ଷ୍ଟାଡିୟମ ଉତ୍ସବ ମୁଖର ହୋଇଉଠିଥିଲା ।