ଶୀତଳ ଷଷ୍ଠୀ ପାଇଁ ଉତ୍ସବ ମୁଖର ରାଜଧାନୀବାସୀ

ଭୁବନେଶ୍ୱର (ବଡ଼ ଖବର ବ୍ୟୁରୋ):ଲିଙ୍ଗରାଜଙ୍କ ଶୀତଳ ଷଷ୍ଠୀ ଯାତ୍ରା । ଉତ୍ସବମୁଖର ରାଜଧାନୀ ଭୁବନେଶ୍ୱର । ମେ ୩୧ରେ ପାଳନ କରାଯିବ ଲିଙ୍ଗରାଜ ମନ୍ଦିରରେ ଶୀତଳ ଷଷ୍ଠୀ ଯାତ୍ରା । ଭୁବନେଶ୍ୱର ପ୍ରସିଦ୍ଧ ଲିଙ୍ଗରାଜ ମନ୍ଦିରରେ ଅନୁଷ୍ଠିତ ହେବାକୁ ଯାଉଛି ଶୀତଳ ଷଷ୍ଠୀ ଯାତ୍ରା । ୪୦ ପ୍ରକାରର ନୃତ୍ୟ ପରିବେଶଣ କରାଯିବ । ମେ ୩୦ରେ ପ୍ରଭୁ ଲିଙ୍ଗରାଜ ଏବଂ ମାତା ପାର୍ବତୀଙ୍କ ବିବାହ ଉତ୍ସବ ପାଳନ ଏବଂ ମେ ୩୧ ରେ ଲିଙ୍ଗରାଜ ମନ୍ଦିରକୁ ପ୍ରତ୍ୟାବର୍ତ୍ତନ କରିବେ । ମେ ୩୦ ରାତି ୯ଟାରେ ବରଯାତ୍ରୀ ସହ ପ୍ରଭୁ ଲିଙ୍ଗରାଜ କେଦାରଗୈାରୀ ମନ୍ଦିରକୁ ଯିବେ ଏବଂ ସେଠାରେ ପାଳିତ ହେବ ବିବାହ ଉତ୍ସବ । ଜ୍ୟେଷ୍ଠ ମାସ ଶୁକ୍ଲପକ୍ଷ ପଞ୍ଚମୀଦିନ ଶିବ ଓ ମାତା ପାର୍ବତୀଙ୍କ ପୁନଃମିଳନ ହୋଇଥିଲା । ମହାଦେବ ମାତା ପାର୍ବତୀଙ୍କୁ ପାଇବା ପାଇଁ ରୁଦ୍ର ରୂପ ଧାରଣା କରିଥିଲେ । ଶିବ ମାତା ସତୀଙ୍କୁ ପାଇବା ପରେ ରୁଦ୍ର ରୂପ ତ୍ୟାଗ କରି ଶାନ୍ତ ଓ ଶୀତଳ ହୋଇଥିଲେ । ଦେବଦମ୍ପତିଙ୍କର ଏହି ମିଳନକୁ ଶୀତଳ ଷଷ୍ଠୀ ରୂପେ ପାଳନ କରାଯାଉଅଛି ।