ରଥଯାତ୍ରା ବେଳେ ହୋଇପାରେ ରତ୍ନଭଣ୍ଡାର ଅଳଙ୍କାର ଯାଞ୍ଚ

ପୁରୀ (ବଡ଼ ଖବର ବ୍ୟୁରୋ): ରଥଯାତ୍ରା ବେଳେ ହୋଇପାରେ ରତ୍ନଭଣ୍ଡାର ଅଳଙ୍କାର ଯାଞ୍ଚ । ତଦାରଖ କମିଟିର ବୈଠକ ପରେ ପ୍ରତିକ୍ରିୟା ରଖିଛନ୍ତି ଜଷ୍ଟିସ ଅରିଜିତ ପଶାୟତ । ରଥଯାତ୍ରା ବେଳେ ଠାକୁର ନଥିବାରୁ ଯାଞ୍ଚ ପାଇଁ ସୁବିଧା ହେବ । ପ୍ରଶାସନକୁ ୧୯୭୮ ମସିହାର ଗଣତି ରିପୋର୍ଟ ମଗା ଯାଇଥିବା କହିଛନ୍ତି ଅରିଜିତ ପଶାୟତ । ପ୍ରାରମ୍ଭିକ ଆଲୋଚନା ହୋଇଛି, ବିଭିନ୍ନ ଦିଗରୁ ସମୀକ୍ଷା ହୋଇଛି । ଆଲୋଚନା ଅନୁସାରେ ରଥଯାତ୍ରା ହିଁ ଉଚିତ ସମୟ ବୋଲି କହିଛନ୍ତି । ସ୍ନାନପୂର୍ଣ୍ଣିମା ପରେ ଅଣସର ସମୟ କଥା ବି ଚିନ୍ତା କରାଯାଉଥିଲା ବୋଲି କହିଛନ୍ତି । କିନ୍ତୁ ସେ ସମୟରେ ଠାକୁରଙ୍କ ଗୁପ୍ତ ନୀତି ଥିବାରୁ ଯାଂଚ କରିବା ସମ୍ଭବ ହେବନାହିଁ । ଏବଂ ମଗା ଯାଇଥିବା ରିପୋର୍ଟ ମିଳିବା ପରେ ପ୍ରକ୍ରିୟା ନେଇ ରୂପରେଖ ଚୂଡ଼ାନ୍ତ ହେବ । ସେତେବେଳର ତାଲିକା ସହ ବର୍ତ୍ତମାନର ଅଳଙ୍କାର ମେଳକ କରାଯିବ ।