ବେଆଇନ ବସ୍ତି ଉଚ୍ଛେଦ

ରାୟଗଡା(ବଡ଼ ଖବର ବ୍ୟୁରୋ): ରାୟଗଡା ସହରରେ ବେଆଇନ ବସ୍ତିକୁ ଆଜି ଉଚ୍ଛେଦ କରାଯାଇଛି । ପୌରପରିଷଦ ୧ନମ୍ବର ୱାର୍ଡ ଗୁରୁଗୁଡା ବସ୍ତିରେ ବେଆଇନ ନିର୍ମାଣ ଚାଲିଥିବା ୧୫ଟି ଘରକୁ ପ୍ରଶାସନ ପକ୍ଷରୁ ଭାଙ୍ଗି ଦିଆଯାଇଛି । ନିର୍ମାଣାଧୀନ ସମସ୍ତ ଘରକୁ ଜେସିବି ଲଗାଇ ପ୍ରଶାସନ ଭାଙ୍ଗିଦେଇଥିଲା । ତେବେ ଲକଡାଉନ ପରେ ଲୋକେ ବାହାରୁ ଆସି ରହିବାର କୌଣସି ସୁବିଧା ନଥିବାରୁ ପୌରପରିଷଦ ଭିତରେ ଘର କରି ରହୁଥିଲେ । ଅତିରିକ୍ତ ତହସିଲଦାର ସୁନୀଲ ଖରାଙ୍କ କହିବାନୁଯାୟୀ ପ୍ରଶାସନର ନିର୍ଦ୍ଦେଶକୁ ଖାତିର ନକରି ବେଆଇନ ଘର ନିର୍ମାଣ କରିଥିବା ହେତୁ ବସ୍ତି ଉଚ୍ଛେଦ କରାଯାଇଛି ।