ଉଦ୍ଧାରକାର୍ଯ୍ୟରେ ବିଳମ୍ବ ହେତୁ ପରିବାର ଲୋକଙ୍କ ରାସ୍ତାରୋକ

କଳାହାଣ୍ଡି(ବଡ଼ ଖବର ବ୍ୟୁରୋ); ଲାଞ୍ଜିଗଡ ଓ ନର୍ଲା ବ୍ଲକ ସୀମାନ୍ତ ଧୂଷଗୁଡା ରେତ ଡ୍ୟାମରେ ଭବାନୀପାଟଣା ବିକାଶ କଲେଜର ସାଲୁ ପଣ୍ଡା ନାମକ ଛାତ୍ର ଗତକାଲି ପାଣିରେ ବୁଡି ନିଖୋଜ ହୋଇଯାଇଛନ୍ତି । ଏହି ଖବର ପ୍ରସାରିତ ହେବାପରେ ନର୍ଲା ପୋଲିସ, ନର୍ଲା ଓ ଭବାନୀପାଟଣା ଅଗ୍ନିଶମ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଥିଲା ।

କିନ୍ତୁ ରାତି ହେବା ଯୋଗୁଁ ଉଦ୍ଧାର କାର୍ଯ୍ୟ ବନ୍ଦ କରାଯାଇଥିଲା । ଆଜି ପୁଣି ଓଡ୍ରାଫ ଦଳ ପକ୍ଷରୁ ଉଦ୍ଧାର କାର୍ଯ୍ୟ କରାଯିବ । କିନ୍ତୁ ନିଖୋଜର ୨୦ ଘଣ୍ଟା ବିତିଯାଇଥିଲେ ମଧ୍ୟ କୌଣସି ପତ୍ତା ମିଳି ନାହିଁ । ନିଖୋଜ ଛାତ୍ରଙ୍କ ପରିବାର ଲୋକେ ପ୍ରଶାସନ ଅବହେଳାକୁ ନେଇ ଛିତିକୁଡା ଛକରେ ରାସ୍ତା ରୋକ କରିଛନ୍ତି ।