ବିଦ୍ୟୁତକାଟ ପ୍ରତିବାଦରେ ରାସ୍ତାରୋକ

ବ୍ରହ୍ମପୁର(ବଡ଼ ଖବର ବ୍ୟୁରୋ); ଦୀର୍ଘଦିନ ହେବ ଗୋଷାଣୀ ନୂଆ ଗାଁ ଅଞ୍ଚଳରେ ପ୍ରାୟ ରାତ୍ରି ୭ରୁ୮ ଘଣ୍ଟା ଧରି ଅଘୋଷିତ ବିଦ୍ୟୁତ କାଟ ଯୋଗୁ ପୂର୍ବରୁ ମଧ୍ୟ ସମାଧାନ ଦାବିରେ ଲୋକେ ରାଜରାସ୍ତାକୁ ଓହ୍ଳାଇଥିଲେ । ପ୍ରତିଶ୍ରୁତି ପରେ ଚୁପ୍ ଥିଲେ  ସାଧାରଣ ଲୋକେ । ହେଲେ ଆଜି ପର୍ଯ୍ୟନ୍ତ ସମାଧାନ ନହେବା କାରଣରୁ ଆଜି ପୁଣି ଲୋକେ ରାସ୍ତାରୋକ କରିବା ସହ ଟାଟାର କର୍ମଚାରୀ ଓ କନିଷ୍ଠ ଯନ୍ତ୍ରୀଙ୍କୁ ଅଟକ ରଖିଥିଲେ । ଖବର ପାଇ ସ୍ଥାନୀୟ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା ପରେ ରାସ୍ତାରୋକ ହଟିଥିଲା । ଆଗକୁ ପିଲାଙ୍କ ପରୀକ୍ଷା ଥିବାରୁ ତୁରନ୍ତ ସମାଧାନ କରିବାକୁ ଦାବି କରାଯାଇଛି ନଚେତ ପୁଣି ରାସ୍ତାରୋକ କରି ପ୍ରତିବାଦ କରାଯିବ ବୋଲି ଚେତାବନୀ ଦେଇଛନ୍ତି ଲୋକେ ।